കാസ്സെൽ: ജീവനുള്ള പാറ്റകളെ ഉപയോഗിച്ച് നിരീക്ഷണവും ചാരപ്രവൃത്തിയും സാധ്യമാക്കുന്ന അത്യാധുനിക സാങ്കേതികവിദ്യ വികസിപ്പിച്ച് ജർമനിയിലെ സ്റ്റാർട്ടപ്പ് കമ്പനിയായ SWARAM Biotactics. കാസ്സെലിൽ പ്രവർത്തിക്കുന്ന ഈ കമ്പനി, പാറ്റകളുടെ പുറത്ത് ഘടിപ്പിക്കുന്ന ഭാരം കുറഞ്ഞ എഐ (നിർമിത ബുദ്ധി) അധിഷ്ഠിത ഉപകരണം വഴി കാലാവസ്ഥാ നിരീക്ഷണം മുതൽ രഹസ്യാന്വേഷണം വരെ നടത്താൻ കഴിയുമെന്ന് തെളിയിച്ചു.

മഡഗാസ്‌കർ ഹിസ്സിംഗ് പാറ്റകളുടെ മുതുകിൽ ഘടിപ്പിക്കുന്ന ഈ അൾട്രാ-ലൈറ്റ്‌വെയ്റ്റ് ഉപകരണം തത്സമയ നിരീക്ഷണത്തിനായുള്ള ചെറിയ ക്യാമറകൾ, വാതകങ്ങൾ, റേഡിയേഷൻ, ചൂട് എന്നിവ കണ്ടെത്തുന്ന സെൻസറുകൾ, പാറ്റയുടെ ചലനം നിയന്ത്രിക്കാൻ ന്യൂറൽ സ്റ്റിമുലേറ്ററുകൾ, വയർലസ് ആശയവിനിമയ സംവിധാനം എന്നിവ ഉൾക്കൊള്ളുന്നു. മൂന്ന് ഗ്രാം വരെ ഭാരം വഹിക്കാൻ ശേഷിയുള്ള പാറ്റകൾക്ക് ഇടുങ്ങിയതും സങ്കീർണവുമായ സ്ഥലങ്ങളിൽ അനായാസം സഞ്ചരിക്കാനാകും.

 

 

ഡ്രോണുകൾക്ക് എത്തിപ്പെടാൻ കഴിയാത്ത ഭിത്തികൾ, ഗുഹകൾ, മുറികൾ തുടങ്ങിയ മറഞ്ഞിരിക്കുന്ന സ്ഥലങ്ങളിൽ ഈ പാറ്റകളെ ഉപയോഗിക്കാം. യുദ്ധമേഖലകൾ, ദുരന്ത മേഖലകൾ, ബന്ദികളെ മോചിപ്പിക്കൽ തുടങ്ങിയവയിൽ ഈ സാങ്കേതികവിദ്യ ഫലപ്രദമാണെന്ന് രാജ്യാന്തര വാർത്താ ഏജൻസിയായ റോയിട്ടേഴ്‌സ് റിപ്പോർട്ട് ചെയ്യുന്നു. തകർന്ന കെട്ടിടങ്ങളുടെ അവശിഷ്ടങ്ങൾക്കിടയിലൂടെ നുഴഞ്ഞ് അകപ്പെട്ടവരെ കുറിച്ചുള്ള വിവരങ്ങൾ പുറത്തെത്തിക്കാനും ഈ പാറ്റകൾക്ക് കഴിയും.

ALSO READ: ഐഫോൺ 17 അടുത്ത മാസം വിപണിയിൽ; ഐഫോൺ 16, ഐഫോൺ 16 പ്രോ മാക്സിന് വൻ വിലക്കിഴിവ്

സൈനിക നിരീക്ഷണത്തിനാണ് SWARAM Biotactics പ്രധാനമായി ഈ സാങ്കേതികവിദ്യ ലക്ഷ്യമിടുന്നതെങ്കിലും, ദുരിതാശ്വാസ പ്രവർത്തനങ്ങൾക്കും ഇത് ഉപയോഗിക്കാനാകും. പ്രതിരോധ വിദഗ്ധരുടെ ശ്രദ്ധ ഇതിനകം ഈ സാങ്കേതികവിദ്യ ആകർഷിച്ചിട്ടുണ്ട്. അടുത്തിടെ, ഗവേഷണത്തിനായി 13 മില്യൺ യൂറോയുടെ സാമ്പത്തിക സഹായം കമ്പനിക്ക് ലഭിച്ചു. റോബോട്ടിക്സ് മേഖലയിൽ പുതിയ സാധ്യതകൾ തുറക്കുന്ന ഈ കണ്ടുപിടിത്തം, വരും വർഷങ്ങളിൽ വിവിധ മേഖലകളിൽ വ്യാപകമായി ഉപയോഗിക്കപ്പെടുമെന്നാണ് വിലയിരുത്തൽ.

ALSO READ: ബിവൈഡിയുടെ വില കുറഞ്ഞ കോംപാക്‌ട് ഇലക്ട്രിക് എസ്‌യുവി വരുന്നു: ഇന്ത്യയിൽ ടെസ്‌ലയ്ക്ക് വെല്ലുവിളിയുമായി ചൈനീസ് ഭീമൻ

A German startup, SWARAM Biotactics, has developed AI-powered, lightweight devices mounted on Madagascar hissing cockroaches for surveillance and espionage. Equipped with tiny cameras, sensors, neural stimulators, and wireless communication, these devices enable real-time monitoring in hard-to-reach areas, offering applications in military, disaster relief, and hostage rescue operations