കുവൈത്ത് സിറ്റി: കണ്ടെയ്‌നറില്‍ കെട്ടുകണക്കിന് മദ്യംകടത്താനുള്ള ശ്രമം തടഞ്ഞ കുവൈത്ത് കസ്റ്റംസ് നിരവധി മദ്യക്കുപ്പികള്‍ സഹിതം മലയാളികളെ അറസ്റ്റ്‌ചെയ്തു. കുവൈത്തിലെ ഷുഐബ് തുറമുഖത്ത് ഒഴിഞ്ഞ കണ്ടെയ്‌നറിനുള്ളില്‍ ഒളിപ്പിച്ച് കടത്താന്‍ ശ്രമിച്ച മദ്യക്കുപ്പികള്‍ ആണ് പിടികൂടിയത്. ആഭ്യന്തര മന്ത്രാലയവും ജനറല്‍ അഡ്മിനിസ്‌ട്രേഷന്‍ ഓഫ് കസ്റ്റംസും സംയുക്തമായി നടത്തിയ നീക്കത്തിലാണ് രണ്ട് ഇന്ത്യക്കാരെ അറസ്റ്റ് ചെയ്തത്. 

മറ്റൊരു ഗള്‍ഫ് രാജ്യത്ത് നിന്ന് കുവൈത്തിലെ ഷുഐബ തുറമുഖത്ത് എത്തിയ കണ്ടെയ്‌നര്‍ ശൂന്യമാണെന്ന് കണ്ടതോടെ ഉണ്ടായ സംശയത്തെത്തുടര്‍ന്നാണ് പരിശോധന നടത്തിയത്. പരിശോധനയില്‍ പ്രൊഫഷണലായി പായ്ക്ക് ചെയ്ത മദ്യക്കുപ്പികള്‍ രഹസ്യ കമ്പാര്‍ട്ടുമെന്റുകള്‍ക്കുള്ളില്‍ സൂക്ഷിച്ചതായി കണ്ടെത്തി. കണ്ടെയ്‌നര്‍ തുറമുഖത്ത് നിന്ന് പുറത്തുവിട്ട് ലഹരിവിരുദ്ധ വിഭാഗം രഹസ്യാന്വേഷണ ഏജന്‍സികളുടെ സഹായത്തോടെ ഇവരെ പിന്തുടര്‍ന്നു. അഹ്മദിയിലെ ഗോഡൗണില്‍ വെച്ച് മദ്യക്കടത്ത് സംഘം കണ്ടെയ്‌നര്‍ ഏറ്റെടുക്കാന്‍ ശ്രമിക്കവെ ഉദ്യോഗസ്ഥര്‍ അവരെ വളയുകയും തന്ത്രപരമായി പിടികൂടുകയുമായിരുന്നു.

ഹനീഫ, പാനിക്ക വീട്ടില്‍ ജവാര്‍ ജാസര്‍ എന്നിവരാണ് അറസ്റ്റിലായത്. ഇന്ത്യയില്‍ നിന്നുള്ള സഹീര്‍ എന്ന വ്യക്തിയുടെ നിര്‍ദ്ദേശപ്രകാരമാണ് തങ്ങള്‍ പ്രവര്‍ത്തിച്ചിരുന്നതെന്ന് രണ്ടുപേരും സമ്മതിച്ചതായി അന്വേഷണ ഉദ്യോഗസ്ഥര്‍ പറഞ്ഞു.
തുടര്‍ നിയമനടപടികള്‍ പുരോഗമിക്കുകയാണെന്നും ഇലരെ പ്രോസികൂഷന് കൈമാറിയതായും അധികൃതര്‍ അറിയിച്ചു.

ALSO READ: മനുഷ്യക്കടത്ത് ഇരകള്‍ക്കായി ബഹ്‌റൈനില്‍ പ്രത്യേക ഓഫിസ് തുറന്നു; പരാതികള്‍ അയക്കാനും സംവിധാനം

In a dramatic sting operation, Kuwaiti authorities have foiled a bold attempt to smuggle a stash of imported liquor hidden inside a shipping container — and arrested two Indian nationals in connection with the scheme.