കണ്ണൂർ: കണ്ണൂർ യൂണിവേഴ്സിറ്റി യൂണിയൻ തെരഞ്ഞെടുപ്പിനിടെ ഉണ്ടായ സംഘർഷത്തിൽ എസ്എഫ്ഐ യുഡിഎസ്എഫ് പ്രവർത്തകർക്ക് പരിക്കേറ്റു. യുഡിഎസ്എഫ് കള്ളവോട്ടിന് ശ്രമിച്ചുവെന്ന് എസ്എഫ്ഐ സംസ്ഥാന സെക്രട്ടറി പി.എസ്. സഞ്ജീവ് ആരോപിച്ചു. പൊലീസ് എസ്എഫ്ഐ പ്രവർത്തകരെ അകാരണമായി മർദിച്ചെന്നും, ലാത്തിയടിയിൽ എസ്എഫ്ഐ ജില്ലാ കമ്മിറ്റി അംഗത്തിന് പരിക്കേറ്റെന്നും ആരോപണമുണ്ട്. അതേസമയം, എസ്എഫ്ഐയും പൊലീസും തങ്ങളെ മർദിച്ചുവെന്ന് യുഡിഎസ്എഫ് പ്രവർത്തകർ ആരോപിക്കുന്നു.

എസ്എഫ്ഐ സ്ഥാനാർത്ഥി ഒരു യുഡിഎസ്എഫ് പ്രവർത്തകന്റെ ബാഗ് തട്ടിപ്പറിച്ച് ഓടിയെന്ന ആരോപണത്തെ തുടർന്നാണ് വൻ സംഘർഷം ഉണ്ടായത്. ഈ സംഭവത്തിന് പിന്നാലെ എസ്എഫ്ഐ ജോയിന്റ് സെക്രട്ടറി സ്ഥാനാർത്ഥി അധിഷ കെ.യെ പൊലീസ് പിടിച്ചുവെച്ചു. ഇതോടെ എസ്എഫ്ഐ പ്രവർത്തകരും പൊലീസും തമ്മിൽ ഉന്തും തള്ളും ഉണ്ടായി. തുടർന്ന് എസ്എഫ്ഐ പ്രവർത്തകർ എത്തി അധിഷയെ പൊലീസിന്റെ കസ്റ്റഡിയിൽ നിന്ന് മോചിപ്പിച്ചു.

പൊലീസ് എംഎസ്എഫിന്റെ നിർദേശങ്ങൾ അനുസരിക്കുന്നുവെന്ന് എസ്എഫ്ഐ ആരോപിച്ചു. സംഘർഷത്തിന്റെ പശ്ചാത്തലത്തിൽ തെരഞ്ഞെടുപ്പ് പ്രക്രിയ തടസ്സപ്പെടുകയും പ്രദേശത്ത് സംഘർഷം തുടരുകയും ചെയ്യുന്നു.

Clashes broke out during the Kannur University Union elections, injuring SFI and UDSF activists. SFI alleges UDSF attempted fake voting, while UDSF claims SFI and police attacked them. A dispute over an SFI candidate allegedly snatching a UDSF activist’s bag led to police detaining SFI’s joint secretary candidate, Adhisha K. SFI activists freed her after a scuffle with police. SFI also accuses police of favoring MSF, escalating tensions and disrupting the election process.