കഴിഞ്ഞ ദിവസം തിരുവനന്തപുരം കഠിനംകുളത്ത് 25 വയസ്സുള്ള യുവാവ് ജീവനൊടുക്കിയതിന് പിന്നില്‍ ജാതിയെന്ന് തുറന്നു കാട്ടി ആക്ടിവിസ്റ്റും സാമൂഹിക പ്രവര്‍ത്തകയുമായ ധന്യാരാമന്‍. സ്‌കൂള്‍ തലം മുതല്‍ കൂടെ പഠിച്ച പെണ്‍കുട്ടിയുമായി ഇയാള്‍ പ്രണയത്തിലായിരുന്നുവെന്നും എന്നാല്‍ കാര്യത്തോട് അടുത്തപ്പോള്‍ അവര്‍ ജാതി പറഞ്ഞ് ഒവിഞ്ഞുമാറിയെന്നും ധന്യ പേസ് ബുക്കില്‍ കുറിക്കുന്നു. 

അവന്‍ പഠിച്ചു  ലണ്ടനില്‍ പോയി സ്ഥിര വരുമാനമായി, ഭംഗിയുള്ള ഇരുനില വീട് വച്ചു, ലീവിന് വരുമ്പോഴും പോകുമ്പോഴും എല്ലാം ഫുള്‍ടൈം ആ പെണ്‍കുട്ടി അവന്റെ കൂടെ തന്നെയായിരുന്നു. ഇത്തവണ അവന്‍ അവധി വാങ്ങിവന്നത് അവളെ കല്യാണം കഴിച്ചു ലണ്ടനിലേക്ക് പോകണം എന്നുള്ള പ്ലാനില്‍ ആയിരുന്നു- അവര്‍ കുറിപ്പില്‍ വിശദീകരിക്കുന്നു.

ALSO READ: ഗസ്സ പൂര്‍ണമായും പിടിച്ചെടുക്കാനുള്ള ഇസ്‌റാഈലിന്റെ നീക്കം തടയില്ല, വിഷയത്തില്‍ തീരുമാനമെടുക്കേണ്ടത് അവര്‍ തന്നെയെന്നും ട്രംപ് 
 
അവന്‍ അവളുടെ വീട്ടില്‍ പോയി പെണ്ണ് ചോദിച്ചു. കഴക്കൂട്ടത്തുള്ള പെണ്‍ വീട്ടുകാര്‍ അവനെ അധിക്ഷേപിച്ചു വിട്ടു. പത്തു വര്‍ഷത്തെ പ്രണയം അവര്‍ക്കും കൂടി അറിയാവുന്നതായിരുന്നു. നായര്‍ പെണ്‍കുട്ടിയെ നായര്‍ വിഭാഗം മാത്രമേ കല്യാണം കഴിച്ചു കൊടുക്കുകയുള്ളൂ എന്നാണ് അവര്‍ പറഞ്ഞത്.  അവര്‍ ഉപയോഗിച്ച് ഭാഷ ക്രൂരവും നിന്ത്യവും ആയിരുന്നുവെന്നും ധന്യ പോസ്റ്റില്‍ വ്യക്തമാക്കുന്നു. 

പയ്യന്‍ പട്ടികജാതിക്കാരനും പെണ്ണ് നായരും ആയിരുന്നു. പക്ഷേ അവന്റെ സമ്പത്ത് ഉപയോഗിച്ച് അവള്‍ ജീവിച്ചപ്പോള്‍ പണത്തിന് മാത്രം ജാതിയില്ലായിരുന്നു- അവര്‍ കുറിക്കുന്നു.  

പോസ്റ്റ് വായിക്കാം

കഴിഞ്ഞദിവസം തിരുവനന്തപുരം കഠിനംകുളത്ത് 25 വയസ്സുള്ള ഒരു യുവാവ് ആത്മഹത്യ ചെയ്തിരുന്നു. School തലം മുതല്‍ കൂടെ പഠിച്ച പെണ്‍കുട്ടിയും ആയിട്ട് പ്രണയത്തിലായിരുന്നു. അവന്‍ പഠിച്ചു  ലണ്ടനില്‍ പോയി സ്ഥിര വരുമാനമായി, ഭംഗിയുള്ള ഇരുനില വീട് വച്ചു, ലീവിന് വരുമ്പോഴും പോകുമ്പോഴും എല്ലാം ഫുള്‍ടൈം ആ പെണ്‍കുട്ടി അവന്റെ കൂടെ തന്നെയായിരുന്നു. ഇത്തവണ അവന്‍ അവധി വാങ്ങിവന്നത് അവളെ കല്യാണം കഴിച്ചു ലണ്ടനിലേക്ക്‌പോകണം എന്നുള്ള പ്ലാനില്‍ ആയിരുന്നു. 

അവന്‍ അവളുടെ വീട്ടില്‍ പോയി പെണ്ണ് ചോദിച്ചു. കഴക്കൂട്ടത്തുള്ള പെണ്‍ വീട്ടുകാര്‍ അവനെ അധിക്ഷേപിച്ചു വിട്ടു. പത്തു വര്‍ഷത്തെ പ്രണയം അവര്‍ക്കും കൂടി അറിയാവുന്നതായിരുന്നു. നായര്‍ പെണ്‍കുട്ടിയെ നായര്‍ വിഭാഗം മാത്രമേ കല്യാണം കഴിച്ചു കൊടുക്കുകയുള്ളൂ എന്നവര്‍ പറഞ്ഞു. അവര്‍ ഉപയോഗിച്ച് ഭാഷ ക്രൂരവും നിന്ത്യവും ആയിരുന്നു. അവളുടെ എന്‍ഗേജ്‌മെന്റ് കഴിഞ്ഞു എന്നവര്‍ പറഞ്ഞു. എന്‍ഗേജ്‌മെന്റ് കഴിഞ്ഞിട്ടും കൂടെയുള്ളവര്‍ അത് അവനോട് പറഞ്ഞില്ല. പെണ്ണിനെ പയ്യനെ കല്യാണം കഴിച്ചു കൊടുക്കാത്തതിന്റെ കാരണം ജാതിയായിരുന്നു . പയ്യന്‍ പട്ടികജാതിക്കാരനും പെണ്ണ് നായരും ആയിരുന്നു. പക്ഷേ അവന്റെ സമ്പത്ത് ഉപയോഗിച്ച് അവള്‍ ജീവിച്ചപ്പോള്‍ പണത്തിന് മാത്രം ജാതിയില്ലായിരുന്നു. 

അതിലും വലുതാണ് വഞ്ചന. ഒരാളെ പ്രണയിച്ച് പ്രണയിച്ചു കൂടെ നടക്കുകയും, എന്‍ഗേജ്‌മെന്റ് കഴിഞ്ഞിട്ട് പോലും പറയാതിരിക്കുകയും ചെയ്യുന്നത് ഒരു മനുഷ്യനെ തകര്‍ക്കാന്‍ ഒപ്പം നിന്ന് സ്‌നേഹം നടിക്കുന്നവര്‍ക്ക് എളുപ്പം പറ്റീ, 25 വയസ്സുവരെ അവനേ പെറ്റ് പോറ്റിയ അമ്മയ്ക്ക് അവരുടെ മരണം വരെയുള്ള നഷ്ടമാണ് മകന്‍. 

കേരളത്തില്‍ ജാതിയില്ല എന്ന് പറയുന്നവരുടെ അറിവിലേക്കാണ് ഞാന്‍ ഈ എഴുത്ത്. ഒരാളെ നല്ല വ്യക്തിത്വം ആയിരുന്നാലും പഠിച്ചാലും തൊഴില് നേടിയാലും ആസ്തി ഉണ്ടാക്കിയാലും ജാതിയെന്നും ജാതിയായി നിലനില്‍ക്കും. പക്ഷേ പണത്തിനും സെക്‌സിനും ജാതിയില്ല.

Activist Dhanya Raman alleges caste-based discrimination led to the suicide of a 25-year-old man in Thiruvananthapuram. Demands justice and awareness.