ചെടികള്‍ വളര്‍ത്താന്‍ വായുവും വെള്ളവും വെളിച്ചവുമെല്ലാം പ്രധാനമാണ്. മണ്ണ് പോഷകങ്ങള്‍ നല്‍കുകയും വെള്ളം ചെടി വളരാന്‍ സഹായിക്കുകയും ചെയ്യുമെന്ന് നമുക്കറിയാവുന്നതാണ്. എന്നാല്‍ ചില ചെടികള്‍ നമുക്ക് മണ്ണില്ലാതെയും വളര്‍ത്താവുന്നതാണ്. അതായത് വെള്ളത്തില്‍ മാത്രം വളര്‍ത്താവുന്ന ചെടികളുമുണ്ട്. അവ ഏതൊക്കെയാണെന്നു നോക്കാം.

പുതിന

നമ്മുടെ കറികളില്‍ ഒഴിച്ചുകൂടാനാവാത്ത ഒന്നാണ് പുതിന. ഇതും മണ്ണില്‍ മാത്രമല്ല വളരുക. നമുക്കിത് വെള്ളത്തിലും വളര്‍ത്തിയെടുക്കാവുന്നതാണ്. ഒരു കുപ്പിയിലോ പാത്രത്തിലോ വെള്ളമെടുത്ത് അതിലേക്ക് ചെടിയുടെ തണ്ട് മുറിച്ചെടുത്ത് വെള്ളത്തിലിട്ട് വളര്‍ത്താന്‍ സാധിക്കുന്നതാണ്. ഇതിന് നല്ല വെളിച്ചം വേണം വളരാന്‍. അതുകൊണ്ട് സൂര്യപ്രകാശം നന്നായി കിട്ടുന്ന സ്ഥലത്ത് കൊണ്ട് വയ്ക്കുക. 

കറ്റാര്‍ വാഴ

ആരോഗ്യഗുണങ്ങളാല്‍ സമ്പന്നമാണ് കറ്റാര്‍വാഴ. ഇത് മണ്ണില്‍ മാത്രമല്ല വെള്ളത്തിലും നന്നായി വളരുന്നതാണ്. ഒരു കുപ്പിയിലോ അല്ലെങ്കില്‍ പുറംകട്ടിയുള്ള പാത്രങ്ങളിലോ ഉണ്ടാക്കാവുന്നതാണ്. 

സ്‌പൈഡര്‍ പ്ലാന്റ്

സ്‌പൈഡര്‍ പ്ലാന്റും വെള്ളത്തില്‍ വളര്‍ത്താവുന്നതാണ്. മണ്ണില്‍ മാത്രമല്ല ഇവയ്ക്കുള്ള വളര്‍ച്ച. എന്നാല്‍ പെട്ടെന്ന് വളരുകയുമില്ല. കുറച്ച് സമയമെടുത്താണ് വളരുക. ഇത് കുറച്ചു വലിയ ഗ്ലാസ് പാത്രത്തില്‍ വേരുകള്‍ നന്നായി മുങ്ങുന്ന രീതിയില്‍ പാത്രത്തിലാക്കി വയ്ക്കാവുന്നതാണ്. 

മണിപ്ലാന്റ്

മണ്ണില്ലാതെ എളുപ്പത്തില്‍ വെള്ളത്തില്‍ വളര്‍ത്താവുന്ന ചെടിയാണ് മണിപ്ലാന്റ്. ഇത് വെള്ളത്തിലാണെങ്കില്‍ പെട്ടെന്നു വളരുകയും ചെയ്യും. കുപ്പിയിലോ മറ്റെന്തെങ്കിലും പാത്രത്തിലോ വെള്ളമൊഴിച്ച് ഇത് വളര്‍ത്താവുന്നതാണ്. 

ലക്കി ബാംബു

വെള്ളത്തില്‍ വളര്‍ത്താവുന്ന ചെടിയാണ് ലക്കിബാംബൂ. മണ്ണില്ലെങ്കിലും ഇത് വെള്ളത്തില്‍ നന്നായി വളരുന്നതാണ്. 

സ്‌നേക് പ്ലാന്റ്

മണ്ണിലാണ് ഇത് വളര്‍ത്തുന്നതെങ്കിലും ഇത് നമുക്ക് വെള്ളത്തിലും വളര്‍ത്താവുന്നതാണ്. ഇത് നല്ല വെളിച്ചെ കിട്ടുന്നിടത്ത് കൊണ്ടുവച്ചാല്‍ മതി. നന്നായി വളര്‍ന്നുവരും.