മോമോസിന് ആരാധകര്‍ ഏറെയാണ്. അതീവ രുചിയുള്ള മോമോസ് നമുക്കിനി വീട്ടില്‍ തന്നെ ഫ്രഷായി ഉണ്ടാക്കാം. കുറഞ്ഞ ചേരുവയും കുറഞ്ഞ സമയവും മതി ഇതിനായി. ഇതിനൊപ്പം തന്നെ നമുക്ക് അടിപൊളി ഒരു ചില്ലി ചട്‌നിയും റെഡിയാക്കാം.

 

 

മൈദ  -ഒന്നര കപ്പ്
കോണ്‍ഫ്‌ലോര്‍  -രണ്ട് സ്പൂണ്‍
എണ്ണ  -ആവശ്യത്തിന്
ബോണ്‍ലെസ് ചിക്കന്‍  -500 ഗ്രാം
പച്ചമുളക്  -5
സവാള - 2

 

 

ഇഞ്ചി - ചെറിയ കഷണം
വെളുത്തുള്ളി - 8 എണ്ണം
കുരുമുളക്‌പൊടി  -1 ടീ സ്പൂണ്‍
മല്ലിയില  -ആവശ്യത്തിന്
സോയ സോസ് - 3 സ്പൂണ്‍
ഉപ്പ് - ആവശ്യത്തിന്

 

ALSO READ: റാഗി കോക്കനട്ട് ലഡു .... ഹെല്‍തി ആന്റ് ടേസ്റ്റി

ഉണ്ടാക്കുന്ന വിധം

ഒരു ബൗളില്‍ മാവ് തയാറാക്കി അര മണിക്കൂര്‍ നേരം മാറ്റിവയ്ക്കുക. മൈദ, കോണ്‍ഫ്‌ലോര്‍, ഉപ്പ് എന്നിവ ഒരു ബൗളില്‍ ഇട്ട് നേരിയ ചൂടുവെള്ളം ഒഴിച്ച് ചപ്പാത്തിക്ക് കുഴക്കും പോലെ നന്നായി കുഴച്ചെടുക്കുക. മൂന്ന് നാല് മിനിറ്റ് നേരം കുഴക്കുക. വേണമെങ്കില്‍ കുറച്ച് എണ്ണ കൂടി മാവിലേക്ക് ഒഴിച്ച് വീണ്ടും കുഴക്കാവുന്നതാണ്. തയാറാക്കിയ മാവ് അര മണിക്കൂര്‍ മാറ്റിവയ്ക്കാം.

ഇനി ഫില്ലിങ് റെഡിയാക്കാം. ബോണ്‍ലെസ് ചിക്കന്‍ മിക്‌സിയിലോ ചോപ്പറിലോ ഇട്ട് നന്നായി അരച്ചെടുക്കുക. ഒരു പാന്‍ ചൂടാക്കി അതിലേക്ക് ഒരു ടേബിള്‍ സ്പൂണ്‍ എണ്ണ ഒഴിച്ച് ചെറുതായി അരിഞ്ഞ പച്ചമുളകും സവാളയുമിട്ട് ചെറിയ തീയില്‍ വഴറ്റുക. 2 മിനിറ്റ് നേരം ഇങ്ങനെ വഴറ്റിയ ശേഷം അരച്ചെടുത്ത ചിക്കന്‍ പാനിലേക്ക് ഇട്ടുകൊടുക്കാം.

 

ഇതിലേക്ക് ഇഞ്ചി, വെളുത്തുള്ളി പേസ്റ്റ് ചേര്‍ത്ത് ഇളക്കികൊടുക്കുക. ശേഷം ഇതിലേക്ക് കുരുമുളക്‌പൊടി, സോയ സോസ്, മല്ലിയില, ഉപ്പ് എന്നിവ ചേര്‍ത്ത് വീണ്ടും വഴറ്റുക.  മോമോസ് ഫില്ലിങ് റെഡി. തീ ഓഫ് ചെയ്ത് മാറ്റി വയ്ക്കാം.

നേരത്തെ തയാറാക്കി വച്ച മാവ് ഇപ്പോള്‍ സോഫ്റ്റ് ആയിട്ടുണ്ട്. ഇനി ഇതില്‍ നിന്നു ചെറിയ ഉരുളകളായി മാവ് എടുത്ത് ചപ്പാത്തി പലകയില്‍ കനം കുറച്ച് പരത്തിയെടുക്കാം. പരത്തിയ മാവ് റൗണ്ട് ഷേപ്പില്‍ മുറിച്ചെടുക്കണം. അതിനായി സ്റ്റീല്‍ ബൗളോ, റിങ്ങോ ഉപയോഗിക്കാവുന്നതാണ്.

 

മുറിച്ചെടുത്ത മാവിലേക്ക് തയാറാക്കിവച്ച ഫില്ലിങ് വച്ചുകൊടുക്കുക. ഫില്ലിങ് കഴിഞ്ഞ ശേഷം മാവിന്റെ സൈഡ് വശം ഉള്ളിലേക്ക് പ്രസ് ചെയ്ത് മോമോസ് രൂപത്തിലാക്കാം. അതേ രൂപത്തില്‍ ഷേയ്പ്പ് ആക്കിയെടുക്കാന്‍ പറ്റിയില്ലെങ്കില്‍ വട്ടത്തിലോ ഓവല്‍ ഷേയ്പ്പിലോ ആക്കാവുന്നതാണ്.

ഇത് ആവിയില്‍ വേവിച്ചെടുക്കാം. പതിനഞ്ച് മിനിറ്റ് മതിയാകും വേവാന്‍. വേവിച്ചെടുത്ത മോമോസ് ചൂടോടെ കഴിക്കുന്നതിനു വേണ്ടി നമുക്ക് ചില്ലി ചട്‌നി കൂടെ ഉണ്ടാക്കാം.

 

ALSO READ: അഫ്ഗാന്‍ മുട്ട റോസ്റ്റ് ഒന്ന് ഉണ്ടാക്കിനോക്കൂ... എപ്പോഴും തയാറാക്കുന്ന മുട്ടറോസ്റ്റില്‍ നിന്ന്

 

ചില്ലി ചട്‌നി - ചേരുവകള്‍

വെളുത്തുള്ളി  -5 എണ്ണം (ചെറുതായി അരിഞ്ഞത്)
സോയ സോസ്  -2 ടീ സ്പൂണ്‍
ചില്ലി ഫ്‌ലേക്‌സ് - ഒന്നര  സ്പൂണ്‍
വെളുത്ത എള്ള് - ഓരു സ്പൂണ്‍

 

മുളക് പൊടി  -കാല്‍ ടീ സ്പൂണ്‍
പഞ്ചസാര  - അര ടീ സ്പൂണ്‍
വിനാഗിരി -അര ടീ സ്പൂണ്‍
എണ്ണ  ആവശ്യത്തിന്

 

തയ്യാറാക്കുന്ന വിധം

ഒരു പാന്‍ അടുപ്പത്ത് വച്ച് ചൂടാക്കി അതിലേക്ക് എണ്ണ ഒഴിക്കുക. ചൂടായി വരുമ്പോള്‍ വെളുത്തുള്ളി അരച്ചത്, ചില്ലി ഫ്‌ലേക്‌സ് (വറ്റല്‍ മുളക് പൊടിച്ചത്), സോയ സോസ്, എള്ള്, മുളക് പൊടി, പഞ്ചസാര എന്നിവയെല്ലാം കൂടി ഇട്ട് നന്നായി ഇളക്കുക. ശേഷം അതിലേക്ക് വിനാഗിരി ഒഴിച്ച് വീണ്ടും ഇളക്കുക. ചില്ലി ചട്‌നി റെഡി. വേവിച്ചെടുത്ത മോമോസിനൊപ്പം കഴിച്ചോളൂ... 

 

Momos have a massive fanbase — and for good reason! These soft, juicy dumplings are not only delicious but also surprisingly easy to prepare at home with just a few ingredients and minimal time.