ഡെറാഡൂൺ: മതപരിവർത്തന നിരോധന നിയമം കൂടുതൽ കടുപ്പിച്ച് ഉത്തരാഖണ്ഡിലെ ബി.ജെ.പി സർക്കാർ. മുഖ്യമന്ത്രി പുഷ്കർ സിങ് ധാമി അധ്യക്ഷനായ മന്ത്രിസഭ അംഗീകരിച്ച ഉത്തരാഖണ്ഡ് ഫ്രീഡം ഓഫ് റിലീജിയൻ (ഭേദഗതി) ബിൽ-2025 പ്രകാരം, നിർബന്ധിത മതപരിവർത്തന കേസുകളിൽ കുറ്റക്കാരെന്ന് കണ്ടെത്തുന്നവർക്ക് ജീവപര്യന്തം തടവും കനത്ത പിഴയും ശിക്ഷയായി ലഭിക്കും.

പുതിയ ബില്ലിൽ ഡിജിറ്റൽ മാധ്യമങ്ങൾ വഴിയുള്ള മതപ്രചാരണം തടയുന്നതിനും പരാതിക്കാരെ സംരക്ഷിക്കുന്നതിനുമുള്ള വ്യവസ്ഥകൾ ഉൾപ്പെടുത്തിയിട്ടുണ്ട്. സമ്മാനങ്ങൾ, പണം, ജോലി, സൗജന്യ വിദ്യാഭ്യാസം, വിവാഹ വാഗ്ദാനങ്ങൾ, മതവികാരം വ്രണപ്പെടുത്തൽ, മറ്റൊരു മതത്തെ മഹത്വവൽക്കരിക്കൽ തുടങ്ങിയവയെല്ലാം പുതിയ നിയമപ്രകാരം പ്രലോഭനങ്ങളായി കണക്കാക്കും.

ALSO READ: ഗാന്ധിജിയെ കൊന്ന ഗോഡ്‌സെ കൊടിയ തീവ്രവാദി: ഉമാ ഭാരതി

സാമൂഹ്യ മാധ്യമങ്ങളിലൂടെയോ ഓൺലൈൻ പ്ലാറ്റ്ഫോമുകൾ വഴിയോ മതപരിവർത്തനം പ്രോത്സാഹിപ്പിക്കുന്നതും പ്രേരിപ്പിക്കുന്നതും കുറ്റകരമാണെന്നും ഭേദഗതി വ്യക്തമാക്കുന്നു.