തിരുവമ്പാടി: വാടക കുടിയാന്‍ നിയമം ഉടന്‍ നടപ്പാക്കണമെന്ന് വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് ടി.നസീറുദ്ധിന്‍.
 തിരുവമ്പാടിയിലെ ചെറുകിട വ്യാപാരികളെ പീഡിപ്പിക്കുന്ന കെട്ടിട ഉടമകള്‍ക്കെതിരെ തിരുവമ്പാടിയില്‍ നടന്ന പ്രതിഷേധ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വര്‍ഷങ്ങളോളമായി കച്ചവടം നടത്തുന്ന ചെറുകിട കച്ചവടക്കാരെ പീഡിപ്പിക്കുന്ന ഭൂമാഫിയകളുടേയും ഉടമകളുടേയും നിലപാടിനെതിരെ ശക്തമായ പ്രതിരോധം തീര്‍ക്കണമെന്നും അദ്ദേഹം കൂട്ടി ചേര്‍ത്തു.
യോഗത്തില്‍ ജിജി ഇല്ലിക്കല്‍ അധ്യക്ഷനായി.
ജില്ല സെക്രട്ടറി അഷ്‌റഫ് മൂത്തേടം മുഖ്യപ്രഭാഷണം നടത്തി. കെ.സേതുമാധവന്‍, ടെന്നിസന്‍, റഫീഖ് മാളിക, ബാബുമോന്‍ സംസാരിച്ചു.
പി.മമ്മുട്ടി സ്വാഗതവും, ബേബി വര്‍ഗീസ് നന്ദിയും പറഞ്ഞു.തിരുവമ്പാടിയിലെ മുഴുവന്‍ വ്യാപാരികളും പങ്കെടുത്ത പ്രതിഷേധ പ്രകടനവും നടന്നു.