അർജന്റീന ലീഗിൽ റൊസാരിയോ സെൻട്രലിനായി മിന്നും ഫോമിലാണ് അർജന്റൈൻ ഇതിഹാസം എയ്ഞ്ചൽ ഡി മരിയ കളിച്ചുകൊണ്ടിരിക്കുന്നത്. ന്യൂവെൽസ് ഓൾഡ് ബോയ്‌സിനെതിരെയുള്ള മത്സരത്തിൽ ഡി മരിയ ഒരു തകർപ്പൻ ഫ്രീ കിക്ക് ഗോൾ നേടി ശ്രദ്ധ നേടിയിരിക്കുകയാണ്.

മത്സരത്തിൽ ഏകപക്ഷീയമായ ഒരു ഗോളിനാണ് ഡി മരിയയും സംഘവും വിജയിച്ചത്. മത്സരത്തിൽ 82-ാം മിനിറ്റിൽ ആയിരുന്നു ഡി മരിയയുടെ മഴവിൽ ഗോൾ പിറന്നത്. എതിർ ടീം ഗോൾ കീപ്പർക്ക് ഒരു അവസരവും നൽകാതെ ടോപ് കോർണറിലേക്ക് ഡി മരിയ ഗോൾ നേടുകയായിരുന്നു. റൊസാരിയോക്കായി താരം നേടുന്ന മൂന്നാം ഗോളായിരുന്നു ഇത്. 

ഡി മരിയയുടെ ഗോൾ പിറന്നതിന് ശേഷം ഓൾഡ് ബോയ് താരം ലൂസിയാനോ ലോല്ലോ ചുവപ്പ് കാർഡ് കണ്ടു പുറത്താവുകയും ചെയ്തു. ഇതും ഓൾഡ് ബോയ്സിന് തിരിച്ചടി നൽകി. മത്സരത്തിൽ സർവാധിപത്യവും റൊസാരിയോ സെൻട്രലിന്റെ കൈവശമായിരുന്നു.  64 ശതമാനം ബോൾ പൊസഷൻ സ്വന്തമാക്കിയ സി മരിയയും സംഘവും 17 ഷോട്ടുകളാണ് എതിർ പോസ്റ്റിലേക്ക് അടിച്ചുകൂട്ടിയത്. ഇതിൽ നാല് ഷോട്ടുകൾ ഓൺ ടാർഗറ്റിലേക്ക് എത്തിക്കാൻ റൊസാരിയോ സെൻട്രലിന് സാധിച്ചു. ഓൾഡ് ബോയ്സ് നാല് ഷോട്ടുകൾ എതിർ പോസ്റ്റിലേക്ക് ഉതിർത്തത്. എന്നാൽ ഒരു ഷോട്ട് പോലും ലക്ഷ്യത്തിൽ എത്തിക്കാൻ സാധിച്ചില്ല. 

ഇതിഹാസ താരം ലയണൽ മെസിയുടെ ബാല്യകാല ക്ലബാണ് ന്യൂവെൽസ് ഓൾഡ് ബോയ്‌സ്. സ്പാനിഷ് ക്ലബായ ബാഴ്സലോണയിലേക്ക് പോവുന്നതിന് മുമ്പായി മെസി ന്യൂവെൽസ് ഓൾഡ് ബോയ്‌സ് അക്കാദമിയുടെ ഭാഗമായിരുന്നു. തന്റെ പതിമൂന്നാം വയസിലാണ് മെസി ബാഴ്‌സലോണയിൽ എത്തിയത്.

മെസിയും ഡി മരിയയും അർജന്റീനക്കായി ഐതിഹാസികമായ സംഭാവനകൾ നൽകിയ താരങ്ങളാണ്. 2024ലെ കോപ്പ അമേരിക്ക വിജയത്തിനു ശേഷമാണ് ഡി മരിയ അർജന്റീന ടീമിൽ നിന്നും വിരമിക്കൽ പ്രഖ്യാപിച്ചത്. അർജന്റീന സമീപകാലങ്ങളിൽ നേടിയ നാല് കിരീടനേട്ടങ്ങളിലും ഡി മരിയ വഹിച്ച പങ്ക് വളരെ വലുതായിരുന്നു.

Argentine legend Angel Di Maria has been in brilliant form for Rosario Central in the Argentine league. Di Maria has grabbed attention with a brilliant free kick goal in the match against Newell's Old Boys.