കോഴിക്കോട്: സമസ്ത ജനറല്‍സെക്രട്ടറിയും ലോക പ്രശസ്ത പണ്ഡിതനുമായിരുന്ന ചെറുശ്ശേരി സൈനുദ്ദീന്‍ മുസ്‌ലിയാരുടെ സ്മരണയ്ക്കായി സുപ്രഭാതം ദിനപത്രം പുറത്തിറക്കുന്ന സ്മരണികയുടെ പ്രകാശനവും മാധ്യമ സെമിനാറും ഇന്ന് കോഴിക്കോട് ടൗണ്‍ഹാളില്‍ നടക്കും.
രാവിലെ 10ന് സുപ്രഭാതം ചെയര്‍മാന്‍ കോട്ടുമല ടി.എം ബാപ്പു മുസ്‌ലിയാരുടെ അധ്യക്ഷതയില്‍ നടക്കുന്ന ചടങ്ങില്‍ നിയമസഭാ സ്പീക്കര്‍ പി. ശ്രീരാമകൃഷ്ണന്‍ സ്മരണിക പ്രകാശനം ചെയ്യും. പാണക്കാട് സയ്യിദ് അബ്ബാസ്അ ലി ശിഹാബ് തങ്ങള്‍ ആദ്യപ്രതി ഏറ്റുവാങ്ങും. പ്രൊഫ. കെ. ആലിക്കുട്ടി മുസ്‌ലിയാര്‍ അനുസ്മരണ പ്രഭാഷണം നടത്തും.
കുമരംപുത്തൂര്‍ എ.പി മുഹമ്മദ് മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും ഡോ. ബഹാഉദ്ദീന്‍ മുഹമ്മദ് നദ്‌വി ഗ്രന്ഥപരിചയം നടത്തും. എം.കെ രാഘവന്‍ എം.പി, എം.എല്‍.എമാരായ ഡോ. എം.കെ മുനീര്‍, എ. പ്രദീപ്കുമാര്‍, സമസ്ത നേതാക്കളായ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, എം.ടി അബ്ദുല്ല മുസ്‌ലിയാര്‍, പി.കെ.പി അബ്ദുസ്സലാം മുസ്‌ലിയാര്‍, സി.കെ.എം സ്വാദിഖ് മുസ്‌ലിയാര്‍, അബ്ദുല്‍ഹമീദ് ഫൈസി അമ്പലക്കടവ്, കെ ഉമര്‍ ഫൈസി, എ.വി അബ്ദുറഹ്മാന്‍ മുസ്‌ലിയാര്‍, ഡോ. എന്‍.എ.എ അബ്ദുല്‍ഖാദര്‍, കൊടക് അബ്ദുറഹ്മാന്‍ മുസ്‌ലിയാര്‍, നാസര്‍ ഫൈസി കൂടത്തായ്, സത്താര്‍ പന്തല്ലൂര്‍, കൊട്ടപ്പുറം അബ്ദുല്ല മാസ്റ്റര്‍, പി.എ ജബ്ബാര്‍ ഹാജി, കെ മോയിന്‍കുട്ടി മാസ്റ്റര്‍, എം.എ ചേളാരി, എ.വി അബൂബക്കര്‍ ഖാസിമി ഖത്തര്‍, സുലൈമാന്‍ ദാരിമി ഏലംകുളം സംബന്ധിക്കും.
മാധ്യമ സെമിനാര്‍ പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. ഓണംപിള്ളി മുഹമ്മദ് ഫൈസി വിഷയം അവതരിപ്പിക്കും. സുപ്രഭാതം മാനേജിങ് എഡിറ്റര്‍ നവാസ് പൂനൂര്‍ മോഡറേറ്ററാകും.
മലയാള മനോരമ കോ-ഓര്‍ഡിനേറ്റിങ് എഡിറ്റര്‍ പി.ജെ ജോഷ്വ, കേരള മീഡിയ അക്കാദമി മുന്‍ ചെയര്‍മാന്‍ എന്‍.പി രാജേന്ദ്രന്‍, മാധ്യമം ഡെപ്യൂട്ടി എഡിറ്റര്‍ കാസിം ഇരിക്കൂര്‍, ദേശാഭിമാനി ചീഫ് ന്യൂസ് എഡിറ്റര്‍ പി.പി അബൂബക്കര്‍, ചന്ദ്രിക എഡിറ്റര്‍ സി.പി സൈതലവി, സി.പി രാജശേഖരന്‍, സുപ്രഭാതം എക്‌സിക്യൂട്ടീവ് എഡിറ്റര്‍ എ. സജീവന്‍ എന്നിവര്‍ പങ്കെടുക്കും. ഒന്നാംപതിപ്പ് പ്രീ-പബ്ലിക്കേഷനില്‍ ബുക്ക്‌ചെയ്തവര്‍ കൂപ്പണുമായി വന്നാല്‍ കോപ്പികള്‍ കൈപ്പറ്റാവുന്നതാണ്.