കൊച്ചി: വ്യാജ ട്രേഡിങ് ആപ്പ് ഉപയോഗിച്ച് ഇരട്ടി ലാഭം വാഗ്ദാനം ചെയ്ത് കൊച്ചിയിലെ പ്രമുഖ ഫാർമസ്യൂട്ടിക്കൽ കമ്പനി ഉടമയിൽ നിന്ന് 25 കോടി രൂപ തട്ടിയെടുത്ത സംഭവത്തിൽ സൈബർ പൊലിസ് അന്വേഷണം ആരംഭിച്ചു.വ്യാജ ഓൺലൈൻ ട്രേഡിംഗ് പ്ലാറ്റ്ഫോം വഴിയാണ് തട്ടിപ്പുകാർ വ്യവസായിയെ വഞ്ചിച്ചത്.

ഫാർമസ്യൂട്ടിക്കൽ കമ്പനി ഉടമയുടെ പരാതിയിൽ പറയുന്നതനുസരിച്ച്, പ്രതികൾ ഇരട്ടി ലാഭം ഉറപ്പ് നൽകി ആകർഷിക്കുകയായിരുന്നു.തുടർന്ന് വൻ തുക നിക്ഷേപമായി ട്രേഡിങ് ആപ്പിൽ നിക്ഷേപിക്കുകയായിരുന്നു. എന്നാൽ, വാഗ്ദാനം ചെയ്ത ലാഭവിഹിതം നൽകാതെ തട്ടിപ്പുകാർ മുങ്ങുകയായിരുന്നു. സംഭവത്തെ തുടർന്ന് സൈബർ പൊലിസ് കേസ് രജിസ്റ്റർ ചെയ്ത് വിശദമായ അന്വേഷണം തുടങ്ങിയിട്ടുണ്ട്.

ഓൺലൈൻ നിക്ഷേപ തട്ടിപ്പുകളിൽ ജാഗ്രത പാലിക്കണമെന്ന് പൊലിസ് പൊതുജനങ്ങളോട് ആവശ്യപ്പെട്ടു. ഇത്തരം തട്ടിപ്പുകളിൽ പണം നഷ്ടപ്പെട്ടാൽ ഉടൻ തന്നെ സൈബർ പൊലിസിനെ ബന്ധപ്പെടണമെന്നും അധികൃതർ മുന്നറിയിപ്പ് നൽകി.

The cyber police have launched an investigation into the case of a fraudster who used a fake trading app to dupe the owner of a leading pharmaceutical company in Kochi of Rs 25 crore by promising double profits. The fraudsters duped the businessman through a fake online trading platform.