ദുബൈ: ദുബൈയുടെ മറൈൻ ട്രാൻസ്‌പോർട്ട് മേഖലക്ക് ഒരു പുതിയ നാഴികക്കല്ല് കൂടി. ദുബൈ ക്രീക്കിന് സമീപമുള്ള ഓൾഡ് ദുബൈ സൂഖ്, അൽ സബ്ഖ മറൈൻ ട്രാൻസ്‌പോർട്ട് സ്റ്റേഷനുകൾ എന്നിവ ഉദ്ഘാടനം ചെയ്ത് ദുബൈ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ).

പദ്ധതിയുടെ ആദ്യ ഘട്ടത്തിൽ ബുർ ദുബൈ, ഓൾഡ് ദെയ്‌റ സൂഖ് സ്റ്റേഷനുകളിൽ നടപ്പാക്കിയ മെച്ചപ്പെടുത്തലുകളെ മാതൃകയാക്കി തന്നെയാണ് അവസാന ഘട്ട നവീകരണവും നടത്തിയിരിക്കുന്നത്. യാത്രക്കാർക്ക് ആവശ്യമായ സൗകര്യങ്ങൾ, വിശാലമായ കാത്തിരിപ്പ് കേന്ദ്രങ്ങൾ, അബ്ര യാത്രക്കാർക്കായി റീട്ടെയിൽ ഔട്ട്‌ലെറ്റുകൾ എന്നിവ ഇവിടെ ഒരുക്കിയിട്ടുണ്ട്.

ALSO READ: 10 വർഷത്തെ ഗോൾഡൻ വിസ പ്രോഗ്രാം ഔദ്യോഗികമായി ആരംഭിച്ച് ഒമാൻ; നിക്ഷേപകർക്കും, പ്രവാസികൾക്കും ഇത് സുവർണാവസരം

ആർടിഎയുടെ 2020–2030 മറൈൻ ട്രാൻസ്‌പോർട്ട് സ്ട്രാറ്റജിക് പ്ലാനിന്റെ ഭാഗമായാണ് ഈ പദ്ധതി പൂർത്തീകരിച്ചത്. എമിറേറ്റിലെ പ്രധാന ഗതാഗത മാർഗമായ മറൈൻ ട്രാൻസ്‌പോർട്ട് സംവിധാനം കൂടുതൽ മെച്ചപ്പെടുത്താനാണ് ഈ പദ്ധതി ലക്ഷ്യടുന്നത്.

രണ്ട് സ്റ്റേഷനുകളുടെയും ഒരേസമയത്തുള്ള വികസനം പദ്ധതി വേഗത്തിൽ നടപ്പാക്കാനും വിഭവങ്ങൾ കാര്യക്ഷമമായി ഉപയോഗിക്കാനും സാമ്പത്തിക ലാഭം വർധിപ്പിക്കാനും സഹായിച്ചു. കൂടാതെ, യാത്രാ ഷെഡ്യൂളുകൾ പാലിക്കുന്നതിനും യാത്രക്കാരുടെ സുരക്ഷ ഉറപ്പാക്കുന്നതിനും രണ്ട് സ്റ്റേഷനുകളിലും തടസ്സമില്ലാത്ത  പ്രവർത്തനങ്ങൾ നടത്തുന്നതിനുമായി ഒരു പ്രവർത്തന പദ്ധതിയും ആർടിഎ അവതരിപ്പിച്ചിട്ടുണ്ട്. 

The Dubai Roads and Transport Authority (RTA) has launched the Old Dubai Souq and Al Sabkha marine transport stations near Dubai Creek, marking a significant milestone in Dubai's marine transport sector. This development aims to enhance the city's maritime infrastructure, providing a more efficient and convenient transportation experience for residents and tourists ¹.