ദുബൈ മെട്രോ റെഡ് ലൈനിൽ ഒരു പുതിയ റൂട്ട് ആരംഭിച്ച് ദുബൈ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ). ഇത് നഗരത്തിന്റെ മെട്രോ ശൃംഖലയെ കൂടുതൽ ശക്തിപ്പെടുത്തുകയും യാത്രക്കാരുടെയും തിരക്ക് കുറയ്ക്കുകയും ചെയ്യുന്നു.

പുതുതായി ആരംഭിച്ച റൂട്ട് സെന്റർപോയിന്റ് സ്റ്റേഷനെ അൽ ഫർദാൻ എക്സ്ചേഞ്ച് സ്റ്റേഷനുമായി ബന്ധിപ്പിക്കുന്നു. ഇത് രാവിലത്തേയും വൈകുന്നേരത്ത‌യും തിരക്കേറിയ സമയങ്ങളിൽ യാത്രക്കാർക്ക് അധിക യാത്രാ ഓപ്ഷൻ നൽകുന്നു. ഇപ്പോൾ ആർടിഎ റെഡ് ലൈനിൽ മൊത്തം മൂന്ന് റൂട്ടുകളാണ് പ്രവർത്തിപ്പിക്കുന്നത്. സെന്റർപോയിന്റിൽ നിന്ന് എക്സ്‌പോ സിറ്റി ദുബൈയിലേക്കും സെന്റർപോയിന്റിൽ നിന്ന് ലൈഫ് ഫാർമസി സ്റ്റേഷനിലേക്കുമാണ് നിലവിലുള്ള രണ്ട് നേരിട്ടുള്ള റൂട്ടുകൾ. റെഡ് ലൈനിലെ ഈ പുതിയ റൂട്ട് തിരക്ക് കുറയ്ക്കാനും യാത്രക്കാർക്ക് സുഗമമായ യാത്രാ അനുഭവം നൽകാനും സഹായിക്കുമെന്നാണ് പ്രതീക്ഷിക്കുന്നത്.

ALSO READ: ഉച്ചസമയത്തെ ഔട്ട്‌ഡോർ ജോലി നിരോധനം ഔദ്യോ​ഗികമായി അവസാനിപ്പിച്ച് കുവൈത്ത്

സെന്റർപോയിന്റ് സ്റ്റേഷനിൽ നിന്ന് എക്സ്‌പോ സിറ്റി സ്റ്റേഷനിലേക്ക് നേരത്തെ ആർടിഎ നേരിട്ടുള്ള ഒരു റൂട്ട് ആരംഭിച്ചിരുന്നു. എക്സ്‌പോ സിറ്റി ദുബൈയിലേക്കോ ലൈഫ് ഫാർമസി സ്റ്റേഷനിലേക്കോ പോകുന്ന യാത്രക്കാർക്ക് ഇനി ജെബൽ അലി മെട്രോ സ്റ്റേഷനിൽ ട്രെയിൻ മാറേണ്ട ആവശ്യമില്ല എന്നതാണ് ഈ റൂട്ടിന്റെ ഏറ്റവും വലിയ നേട്ടം. പകരം, സെന്റർപോയിന്റിൽ നിന്ന് നേരിട്ടുള്ള ട്രെയിനിൽ കയറാം, ഇത് സമയം ലാഭിക്കുകയും കൈമാറ്റവുമായി ബന്ധപ്പെട്ട കാലതാമസം കുറയ്ക്കുകയും ചെയ്യുന്നു.

റെഡ് ലൈൻ ട്രെയിനുകൾ നിലവിൽ എക്സ്‌പോ സിറ്റി ദുബൈ, യുഎഇ എക്സ്ചേഞ്ച് ടെർമിനലുകൾ, ലൈഫ് ഫാർമസി സ്റ്റേഷൻ, അൽ ഫർദാൻ എക്സ്ചേഞ്ച് സ്റ്റേഷൻ എന്നിവയിലേക്ക് മാറിമാറി സർവിസ് നടത്തും.

The Dubai Roads and Transport Authority (RTA) has introduced a new route on the Red Line of the Dubai Metro, further strengthening the city's metro network and reducing congestion for passengers. This development aims to enhance the overall efficiency and convenience of Dubai's public transportation system, benefiting residents and visitors alike [1].