തൃശൂര്‍: വനിത നേതാവിന്റെ പരാതിയില്‍ അച്ചടക്കനടപടി നേരിട്ട ഡിവൈഎഫ്‌ഐ നേതാവ് എന്‍ വി വൈശാഖനെ തിരിച്ചെടുക്കാന്‍ നീക്കം. വൈശാഖനെ കൊടകര ഏരിയ കമ്മിറ്റിയില്‍ എടുക്കാന്‍ തൃശൂര്‍ ജില്ല സെക്രട്ടറിയേറ്റ് സംസ്ഥാന നേതൃത്വത്തിന്റെ അനുമതി തേടി. സിപിഎം സംസ്ഥാന സെക്രട്ടറി എംവി ഗോവിന്ദന്‍ പങ്കെടുത്ത യോഗത്തിലാണ് തീരുമാനം. 

ഡിവൈഎഫ് ഐ വനിത നേതാവിന്റെ പരാതിയിലാണ് സിപിഎം ജില്ല കമ്മിറ്റിയില്‍ നിന്ന് വൈശാഖനെ തരം താഴ്ത്തിയത്. ഒരു വര്‍ഷം മുന്‍പായിരുന്നു സംഭവം. നടപടി നേരിടുമ്പോള്‍ സംഘടനയുടെ ജില്ല സെക്രട്ടറിയായിരുന്നു വൈശാഖന്‍. ജില്ല തലത്തില്‍ നിന്ന് ബ്രാഞ്ച് തലത്തിലേക്ക് ആയിരുന്നു തരം താഴ്ത്തിയത്. 

സംസ്ഥാന കമ്മിറ്റിയുടെ അനുമതി ലഭിച്ചാല്‍ വൈശാഖനെ ഏരിയ കമ്മിറ്റിയില്‍ ഉള്‍പ്പെടുത്താനാണ് നീക്കം. ചാനല്‍ ചര്‍ച്ചകളിലടക്കം പാര്‍ട്ടി പ്രതിനിധിയായി സജീവമായിരുന്ന വ്യക്തിയായിരുന്നു വൈശാഖന്‍. ഇയാള്‍ക്ക് പാര്‍ട്ടി നടപടി നേരിട്ട ഡിവൈഎഫ് ഐ മുന്‍ നേതാവായിരുന്ന പിബി അനൂപിനെയും തിരിച്ചെത്തിക്കാനാണ് തീരുമാന. സിപിഎം കുന്നംകുളം ഏരിയ സമ്മേളനത്തിലെ ഏരിയ കമ്മിറ്റി തെരഞ്ഞെടുപ്പില്‍ വിഭാഗീയ പ്രവര്‍ത്തനത്തിന് നേതൃത്വം നല്‍കിയെന്ന ആരോപണത്തിലാണ് പിബി അനൂപിനെതിരെ നടപടി എടുത്തത്.

ALSO READ: അധ്യാപന ജോലിക്ക് 'ടെറ്റ്' നിര്‍ബന്ധം; 'ടെറ്റ്' ഇല്ലാത്തവര്‍ സര്‍വിസില്‍ തുടരേണ്ടെന്നും സുപ്രിംകോടതി; നിര്‍ണായക വിധി