തിരുവനന്തപുരം: വിസിയും സിൻഡിക്കേറ്റിലെ ഇടത് അംഗങ്ങളും തമ്മിലുള്ള പോര് നിലനിൽക്കുന്നതിനിടെ  സർവ്വകലാശാല സിൻഡിക്കേറ്റ് യോഗം ഇന്ന് രാവിലെ 11 മണിക്ക് ചേരും. രജിസ്ട്രാരുടെ ചുമതല നിർവഹിക്കുന്ന ഡോക്ടർ മിനി കാപ്പനാണ് മീറ്റിങ്ങിൽ പങ്കെടുക്കണമെന്ന് ആവശ്യപ്പെട്ടുകൊണ്ട് അംഗങ്ങൾക്ക് നോട്ടീസ് നൽകിയത്. എന്നാൽ രജിസ്ട്രാർ അനിൽകുമാറിന് പകരം മിനി കാപ്പൻ നോട്ടീസ് അയക്കുന്നത് നിയമവിരുദ്ധമാണെന്നാണ് ഇടത് അംഗങ്ങൾ അറിയിച്ചത്.

അധികാര തർക്കം നിലനിൽക്കുന്നതിനിടെ മാർച്ചിൽ പൂർത്തിയാക്കേണ്ട നൂറ് കോടി രൂപയുടെ പിഎം ഉഷ ഫണ്ടിന്റെ വിനിയോഗം ഇപ്പോഴും സ്തംഭനത്തിലാണ് ഉള്ളത്. ഈ ഫണ്ട് അടിയന്തരമായി വിനിയോഗിച്ചില്ലെങ്കിൽ നഷ്ടപ്പെടുന്ന സാഹചര്യമാണ് ഉള്ളത്. പിഎച്ച്ഡി അംഗീകാരം, വിദ്യാർത്ഥികളുടെ വിവിധ ഗവേഷക ഫെല്ലോഷിപ്പുകൾ തുടങ്ങിയ നിരവധി അക്കാദമിക് വിഷയങ്ങളിൽ തീരുമാനമെടുക്കുന്നത് ഉൾപ്പെടെ സിൻഡിക്കേറ്റ് ചർച്ചയിൽ പരിഗണനയിൽ വരും.