ദുബൈ: അഹമ്മദ് ബിന്‍ അലി അല്‍ സയേഗിനെ യുഎഇയുടെ പുതിയ ആരോഗ്യ മന്ത്രിയായി യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂം പ്രഖ്യാപിച്ചു. പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്‌യാന്റെ അംഗീകാരത്തെ തുടര്‍ന്നാണ് തീരുമാനം.

ഫെഡറല്‍ ആരോഗ്യ സംവിധാനം വികസിപ്പിക്കാന്‍ സഹായിച്ച മുന്‍ മന്ത്രി അബ്ദുല്‍ റഹ്മാന്‍ അല്‍ ഉവൈസിന്റെ സേവനത്തിന് യു.എ.ഇ പ്രധാനമന്ത്രി നന്ദി പറഞ്ഞു. അല്‍ ഉവൈസ് ദേശീയ കൗണ്‍സില്‍ കാര്യ സഹമന്ത്രിയായി സര്‍ക്കാരില്‍ തുടരുമെന്നും അദ്ദേഹം കൂട്ടിച്ചേര്‍ത്തു.

2018 സെപ്റ്റംബര്‍ മുതല്‍ അല്‍ സയേഗ് വിദേശകാര്യ മന്ത്രാലയത്തില്‍ സഹമന്ത്രിയായി സേവനമനുഷ്ഠിച്ചു വരികയായിരുന്നു. യു.എ.ഇയുടെ സാമ്പത്തിക വൈവിധ്യവല്‍ക്കരണ തന്ത്രത്തില്‍ ശ്രദ്ധ കേന്ദ്രീകരിച്ചു കൊണ്ട് അദ്ദേഹം മന്ത്രാലയത്തിന്റെ സാമ്പത്തിക, വാണിജ്യ കാര്യ പോര്‍ട്ട്‌ഫോളിയോ നയിച്ചു.

ഇതോടൊപ്പം, ഏഷ്യന്‍ രാജ്യങ്ങളുമായും കോമണ്‍വെല്‍ത്ത് ഓഫ് ഇന്‍ഡിപെന്‍ഡന്റ് സ്റ്റേറ്റ്‌സിലെ (സിഐഎസ്) അംഗങ്ങളുമായും രാജ്യത്തിന്റെ ഉഭയകക്ഷി ബന്ധങ്ങള്‍ അദ്ദേഹം നിയന്ത്രിച്ചു.

മന്ത്രിസഭാ പദവികളില്‍ മാത്രം ഒതുങ്ങുന്നതല്ല അല്‍ സയേഗിന്റെ കഴിവുകള്‍. അബൂദബി നാഷണല്‍ ഓയില്‍ കമ്പനി (അഡ്‌നോക്) ഡയരക്ടര്‍ ബോര്‍ഡിലും, എക്‌സിക്യൂട്ടിവ് കമ്മിറ്റിയിലും അദ്ദേഹം അംഗമാണ്. അബൂദബി ഫണ്ട് ഫോര്‍ ഡെവലപ്‌മെന്റിന്റെ (എഡിഎഫ്ഡി) ബോര്‍ഡ് അംഗം, എമിറേറ്റ്‌സ് നേച്ചര്‍- ഡബ്ല്യുഡബ്ല്യുഎഫ് വൈസ് ചെയര്‍മാന്‍, യു.എ.ഇയു.കെ ബിസിനസ് കൗണ്‍സില്‍ സഹ ചെയര്‍മാന്‍ എന്നീ നിലകളിലും അദ്ദേഹം പ്രവര്‍ത്തിക്കുന്നു.
അല്‍ദാര്‍ പ്രോപര്‍ടീസ് ചെയര്‍മാന്‍, മസ്ദര്‍ (അബൂദബി ഫ്യൂച്ചര്‍ എനര്‍ജി കമ്പനി) ചെയര്‍മാന്‍, മറ്റ് കമ്പനികളിലെ സ്ഥാനങ്ങള്‍ എന്നിവയുള്‍പ്പെടെ യു.എ.ഇയുടെ പൊതുസ്വകാര്യ മേഖലകളിലുടനീളം നിരവധി പ്രധാന നേതൃ പദവികള്‍ അദ്ദേഹം മുമ്പ് വഹിച്ചിട്ടുണ്ട്.

യുണൈറ്റഡ് സ്റ്റേറ്റ്‌സിലെ ലൂയിസ് & ക്ലാര്‍ക്ക് കോളജില്‍ നിന്നാണ് അല്‍ സയേഗ് സാമ്പത്തിക ശാസ്ത്രത്തില്‍ ബിരുദം നേടിയത്.

ALSO READ: അപേക്ഷിച്ച ഉടന്‍ ഇനി ഉംറ വിസ ലഭിക്കില്ല; 48 മണിക്കൂര്‍ കാത്തിരിക്കണം | Umrah Visa

UAE appointed a new Minister of Health, Ahmed bin Ali Al Sayegh, announced Sheikh Mohammed bin Rashid Al Maktoum, Vice-President and Prime Minister of the UAE and Ruler of Dubai. The decision came after the approval of UAE President Sheikh Mohamed bin Zayed Al Nahyan