ന്യൂഡല്‍ഹി: ഡല്‍ഹി വംശഹത്യയില്‍ ഗൂഢാലോചന കേസ് ചുമത്തി തടവില്‍ കഴിയുന്ന ജെ.എന്‍.യു വിദ്യാര്‍ഥി നേതാവ് ഉമര്‍ ഖാലിദിന്റെയും ഷര്‍ജീല്‍ ഇമാമിന്റേയും ജാമ്യാപേക്ഷ ഡല്‍ഹി ഹൈക്കോടതി തള്ളി. ഇവരുള്‍പെടെ ഒമ്പ്ത് പേര്‍ക്കും കോടതി ജാമ്യം അനുവദിച്ചില്ല. 

ജസ്റ്റിസ് നവീന് ചൗള ജസ്റ്റിസ് ശാലിന്ദര്‍ കൗര്‍ എന്നിവരടങ്ങിയ ബെഞ്ചാണ് വിധി പ്രഖ്യാപിച്ചത്. അത്തര്‍ ഖാന്‍, ഖാലിദ് സൈഫി, മുഹമ്മദ് സലീം ഖാന്‍, മീരാന്‍ ഹൈദര്‍, ഗുല്‍പിഷ ഫാത്തിമ,ഷദാബ് അഹമദ് എന്നിവരാണ് ജാമ്യാപേക്ഷ തള്ളിയ മറ്റുള്ളവര്‍. 

ഡല്‍ഹി വംശഹത്യാ ഗൂഢാലോചനയില്‍ പങ്കുണ്ടെന്ന് ആരോപിച്ച് 2020ലാണ് ഉമര്‍ ഖാലിദിനെയും മറ്റുള്ളവരേയും ഡല്‍ഹി പൊലിസ് അറസ്റ്റ് ചെയ്തത്. ക്രിമിനല്‍ ഗൂഢാലോചന, കലാപം, നിയമവിരുദ്ധമായി സംഘം ചേരല്‍, യു.എ.പി.എ തുടങ്ങിയ വകുപ്പുകളാണ് ഇവര്‍ക്ക് മേല്‍ ചുമത്തിയിട്ടുള്ളത്.

ജാമ്യം അനുവദിക്കാത്ത വിചാരണ കോടതി നടപടി ചോദ്യം ചെയ്താണ് ഇവര്‍ ഹൈക്കോടതിയെ സമീപിച്ചത്. അഞ്ച് വര്‍ഷത്തോളമായി വിചാരണയില്ലാതെ ജയിലില്‍ കഴിയുകയാണ് ഇവര്‍. ജാമ്യേപക്ഷ തള്ളിയതോടെ ഇനിയും തടവില്‍ കഴിയേണ്ട അവസ്ഥയാണ്. 

ALSO READ: ജാമിഅ നഗറിലെ സി.എ.എ വിരുദ്ധ പ്രക്ഷോഭങ്ങളുടെ സൂത്രധാരന്‍ ഷര്‍ജീല്‍ ഇമാമെന്ന്  ഡല്‍ഹി ഹൈക്കോടതി

ALSO READ: ഡല്‍ഹി കലാപത്തിന് അഞ്ചാണ്ട്: പ്രതിചേര്‍ക്കപ്പെട്ടവരില്‍ 80 ശതമാനം പേരും കുറ്റവിമുക്തര്‍; മുന്‍നിര യുവ ആക്ടിവിസ്റ്റുകള്‍ ഇപ്പോഴും അകത്ത്  

delhi high court denies bail to jnu leaders umar khalid and sharjeel imam in the 2020 delhi riots conspiracy case along with 7 others.