കുവൈത്ത് സിറ്റി: തൃശൂര്‍ ലുലു മാള്‍ വിഷയത്തില്‍ നിയമപരമായി എന്താണ് ചെയ്യാന്‍ സാധിക്കുകയെന്ന് പരിശോധിക്കുമെന്ന് ലുലു ഗ്രൂപ്പ് ചെയര്‍മാന്‍ എം.എം യൂസഫലി പറഞ്ഞു. കുവൈത്തിലെ ഹവല്ലിയില്‍ പുതിയ ലുലു സ്റ്റോര്‍ ഉദ്ഘാടനം ചെയ്ത ശേഷം മാധ്യമപ്രവര്‍ത്തകരുടെ ചോദ്യങ്ങളോട് പ്രതികരിക്കുകയായിരുന്നു അദ്ദേഹം.
ഏത് രാജ്യത്തും നിയമത്തിന് അധിഷ്ഠിതമായി മാത്രമേ ലുലു ഗ്രൂപ്പ് കാര്യങ്ങള്‍ നടപ്പാക്കാറുള്ളൂ. നിയമസംവിധാനങ്ങള്‍ക്ക് അനുസൃതമായാണ് എല്ലാ കാര്യങ്ങളും ലുലു ചെയ്യുന്നത്. തൃശ്ശൂരിലെ ലുലു മാള്‍ നിര്‍മാണവുമായി ബന്ധപ്പെട്ട വിഷയത്തിലും നിയമപരമായി എന്താണോ ചെയ്യാനാകുന്നത് അത് ചെയ്യുമെന്നും അദ്ദേഹം വിശദീകരിച്ചു. ലോകത്തിലെ ഏറ്റവും വലിയ ജനാധിപത്യ രാജ്യമായ ഇന്ത്യയില്‍ എല്ലാ പൗരന്മാര്‍ക്കും ആര്‍ക്കും ആര്‍ക്കെതിരേയും ചോദ്യം ചെയ്യാന്‍ അവകാശവും അധികാരവുമുണ്ട്. ഏത് രാജ്യത്തും നിയമത്തിലധിഷ്ഠിതമായ കാര്യങ്ങള്‍ മാത്രമേ ചെയ്യാറുള്ളൂവെന്നും യൂസഫലി വ്യക്തമാക്കി.

തൃശൂരില്‍ ലുലു മാള്‍ വരാന്‍ വൈകാന്‍ കാരണം ഒരു രാഷ്ട്രീയപാര്‍ട്ടിയുടെ ഇടപെടലെന്ന് നേരത്തെ യൂസഫലി പറഞ്ഞിരുന്നു. രണ്ടരവര്‍ഷം മുന്‍പ് പ്രവര്‍ത്തനം ആരംഭിക്കേണ്ടതായിരുന്നുവെങ്കിലും അതു തടസ്സംമൂലം വൈകിയെന്നാണ് അദ്ദേഹം പറഞ്ഞത്.

അതേസമയം, കുവൈത്തിലെ 17ാമത് ലുലു സ്റ്റോര്‍ ഹവല്ലിയിലെ അല്‍ബാഹര്‍ സെന്ററില്‍ പ്രവര്‍ത്തനം തുടങ്ങി. സ്വദേശി പ്രമുഖന്‍ ഫഹദ് അബ്ദുല്‍ റഹ്മാന്‍ അല്‍ബാഹര്‍ ഉദ്ഘാടനം നിര്‍വഹിച്ചു. ലുലു ഗ്രൂപ്പ് ചെയര്‍മാന്‍ എം.എ യൂസഫലി, ലുലു കുവൈത്ത് ഡയരക്ടര്‍ കെ.എസ് ശ്രീജിത്, റീജ്യനല്‍ ഡയരക്ടര്‍ സക്കീര്‍ ഹുസൈന്‍, മറ്റ് ഉദ്യോഗസ്ഥര്‍ സംബന്ധിച്ചു.

കുവൈത്തില്‍ നാല് പുതിയ ഹൈപര്‍ മാര്‍ക്കറ്റ് പദ്ധതികള്‍ അടുത്ത് തന്നെ പൂര്‍ത്തിയാക്കുമെന്ന് എം.എ യൂസഫലി പറഞ്ഞു. 

ALSO READ: ഗള്‍ഫിലും വില കുതിക്കുന്നു, സൗദിയില്‍ ഗ്രാമിന് 400 കടന്നു, എങ്കിലും പ്രവാസികള്‍ക്ക് ലാഭം; കേരളത്തിലെയും ഗള്‍ഫിലെയും സ്വര്‍ണവില ഒരു താരതമ്യം | Gold Price in GCC & Kerala

Lulu Group Chairman M.M. Yusuffali said that he will look into what can be done legally regarding the Thrissur Lulu Mall issue. He was responding to questions from journalists after inaugurating the new Lulu store in Hawally, Kuwait.