'ടാങ്ക് എനിക്ക് തൊട്ടരികിലുണ്ട്. വേഗം വന്ന് എന്നെ രക്ഷിക്കൂ. പ്ലീസ് ..രാത്രിയാവുന്നു. എനിക്ക് പേടിയാവുന്നുണ്ട്' ജീവന്‍ നിലച്ചവര്‍ക്കരികെയിരുന്നു ഹിന്ദ് റജബ് എന്ന കുഞ്ഞുപെണ്‍കുട്ടി തന്നെ രക്ഷിക്കാനായി കേണപേക്ഷിക്കുന്നത് ഒരിക്കല്‍ ലോകം മുഴുവന്‍ കേട്ടതാണ്. അന്ന് ലോകം മുഴുവന്‍ അവളുടെ വിറയാര്‍ന്ന കൊഞ്ചലിനൊപ്പം കരഞ്ഞു. ഇന്ന് ഒരിക്കല്‍ കൂടി ആ ഇളംപൈതലിന്റെ ശബ്ദം ലോകത്തെ കരയിച്ചിരിക്കുന്നു. 

ഇറ്റലിയിലെ വെനീസ് ചലച്ചിത്രമേളയിലാണ്  പ്രേക്ഷകരുടെ ഉള്ളുലച്ച് ഹിന്ദിന്റെ ശബ്ദം വീണ്ടുമെത്തിയത്. ഫ്രാങ്കോ-ടുണീഷ്യന്‍ സംവിധായക കൗത്തര്‍ ബെന്‍ ഹനിയയാണ് സംവിധാനം ചെയ്ത 'ദി വോയ്സ് ഓഫ് ഹിന്ദ് റജബ്'. ഗസ്സയിലെ അഞ്ച് വയസ്സുകാരിയുടെ മരണത്തിന് മുമ്പുള്ള അവസാന നിമിഷങ്ങളെ ആസ്പദമാക്കി നിര്‍മിച്ച ചിത്രം പ്രദര്‍ശിപ്പിച്ച് കഴിഞ്ഞപ്പോള്‍ 23 മിനിറ്റോളം നിലക്കാത്ത കയ്യടിയായിരുന്നു അവിടെ. 'ഫലസ്തീനെ സ്വതന്ത്രമാക്കൂ'വെന്ന് കാണികള്‍ മുദ്രാവാക്യം മുഴക്കി. 2024 ജനുവരി 29നാണ് ഇസ്‌റാഈല്‍ ആക്രമണത്തില്‍ ഹിന്ദ് റജബും കുടുംബവും കൊല്ലപ്പെടുന്നത്. 

We will never forget the words of 6-year old Hind Rajab:

“The tank is next to me…please come take me, please. Please stay with me…It’s almost night, I am scared…”

Israeli forces shot 335 bullets at the car she sat in waiting for help. 335.

https://t.co/GilMpCuCRW

— Assal Rad (@AssalRad) September 3, 2025

കുടുംബത്തോടൊപ്പം ഗസ്സയില്‍ നിന്ന് രക്ഷപ്പെടാന്‍ ശ്രമിക്കുമ്പോഴാണ് ഹിന്ദും കുടുംബവും സഞ്ചരിച്ച കാറിനുനേരേ ഇസ്‌റാഈലിന്റെ ആക്രമണമുണ്ടാകുന്നത്. ഗസ്സ മുനമ്പിലെ അല്‍-സെമാവിയില്‍, ഇസ്‌റാഈലി സൈനികരുടെ ആക്രമണം നടക്കുന്ന സമയത്ത് അഞ്ച് വയസ്സുകാരിയായ ഹിന്ദ് റജബ് തന്റെ ബന്ധുക്കളോടൊപ്പം ഒരു കാറില്‍ അഭയം തേടുകയായിരുന്നു. 335 വെടിയുണ്ടകളാണ് ആ കാറിന് നേരെ സൈനികര്‍ തൊ
ടുത്തു വിട്ടതെന്ന് പിന്നീട് റിപ്പോര്‍ട്ടുകള്‍ വന്നു. സൈനികരുടെ വെടിവെപ്പില്‍ കാറിലുണ്ടായിരുന്ന എല്ലാവരും കൊല്ലപ്പെട്ടു. എന്നാല്‍ ഹിന്ദ് മരിക്കാതെ ശേഷിച്ചു. ആ സമയത്താണ് മരിച്ചു കിടക്കുന്നവര്‍ക്കിടയില്‍ നിന്ന് അവള്‍ രക്ഷക്കായി അഭ്യര്‍ഥിച്ച് ഫോണ്‍ ചെയ്യുന്നത്. 

‘THE VOICE OF HIND RAJAB’ received a 22-minute standing ovation at the 82nd Venice Film Festival.

The longest of the festival so far. pic.twitter.com/XOuFeD8xfb

— Film Updates (@FilmUpdates) September 3, 2025

 ഗസ്സയിലെ റെഡ് ക്രസന്റ് സൊസൈറ്റിയുടെ ആംബുലന്‍സ് സംഘം അവളെ രക്ഷിക്കാന്‍ പുറപ്പെട്ടു. എന്നാല്‍ രക്ഷാപ്രവര്‍ത്തനത്തിനെത്തിയ ആംബുലന്‍സ് സംഘത്തിന് നേരെയും സൈനികാക്രമണമുണ്ടായി. ഈ ആക്രമണത്തില്‍ രക്ഷാപ്രവര്‍ത്തകരും കൊല്ലപ്പെട്ടു. പിന്നീട് ഹിന്ദ് എവിടെ എന്ന ചോദ്യമായിരുന്നു. ലോകം മുഴുവന്‍ ഏതെങ്കിലുമൊരു കോണില്‍ നിന്ന് അവള്‍ തിരിച്ചുവരുമെന്ന് പ്രതീക്ഷിച്ചു. പ്രാര്‍ഥിച്ചു. എന്നാല്‍ ദിവസങ്ങള്‍ക്കുശേഷം ഹിന്ദിനെയും രക്ഷാപ്രവര്‍ത്തകരെയും കൊല്ലപ്പെട്ട നിലയില്‍ കണ്ടെത്തി. ഹൃദയഭേദകമായ ഫോണ്‍ വിളികളും, രക്ഷാപ്രവര്‍ത്തകര്‍ അവളോട് സംസാരിക്കുന്നതിന്റെ ഓഡിയോ റെക്കോര്‍ഡിങ്ങുകളുമെല്ലാം സിനിമയില്‍ ഉള്‍പ്പെടുത്തിയിട്ടുണ്ട്.

വെടിയൊച്ചകള്‍ക്കിടയിലും ഒരു കുട്ടിയുടെ ജീവന്‍ രക്ഷിക്കാന്‍ സ്വന്തം ജീവന്‍ പോലും പണയം വെച്ച് മുന്നോട്ട് വന്ന റെഡ് ക്രസന്റ് സൊസൈറ്റിയിലെ സന്നദ്ധപ്രവര്‍ത്തകരുടെ ധീരതയും ഈ സിനിമ ലോകത്തെ കാണിക്കുന്നു.

‘The Voice of Hind Rajab’ receives 23 minutes of nonstop applause at Venice Film Festival, portraying the heartbreaking last moments of a Gaza child.