ദുബൈ: നബി ദിനത്തോടനുബന്ധിച്ച് ഹൃദയ സ്പർശിയായ സന്ദേശങ്ങൾ പങ്കുവെച്ച് യുഎഇ രാഷ്ട്ര നേതാക്കൾ. പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനും വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമും ലോകത്ത് ഐക്യവും സമാധാനവും സ്ഥിരതയും പുലരട്ടെ എന്ന് ആശംസിച്ചു.

ALSO READ: യുഎഇയിൽ ചാറ്റ് ഫീച്ചറുകൾ താൽക്കാലികമായി നിർത്തിവച്ച് റോബ്ലോക്സ്; തീരുമാനം കുട്ടികളുടെ ഡിജിറ്റൽ സുരക്ഷ വർധിപ്പിക്കാൻ 

"പ്രവാചകന്റെ ജന്മദിനത്തിൽ നാം അദ്ദേഹത്തിന്റെ കാരുണ്യവും അനുകമ്പയും ഓർമിക്കുന്നു. ലോകമെമ്പാടും ഐക്യവും സമാധാനവും സ്ഥിരതയും പുലരട്ടെ," ഷെയ്ഖ് മുഹമ്മദ് ബിൻ സായിദ് സമൂഹ മാധ്യമത്തിൽ പങ്കുവെച്ച സന്ദേശത്തിൽ പറഞ്ഞു. പ്രവാചകന്റെ പഠിപ്പിച്ച പാഠങ്ങൾ ഇന്നും പ്രസക്തമാണെന്ന് അദ്ദേഹം ചൂണ്ടിക്കാട്ടി. മനുഷ്യരോടുള്ള പ്രവാചകന്റെ കരുതലിന്റെയും സഹാനുഭൂതിയുടെയും മൂല്യങ്ങളും എടുത്തുകാട്ടി.

"മനുഷ്യരാശിയിലെ ഏറ്റവും മികച്ച വ്യക്തിയുടെ ജന്മവാർഷികത്തിൽ, ദൈവത്തിന്റെ കാരുണ്യവും പ്രകാശവുമായി വന്ന പ്രവാചകനെ ഓർക്കുന്നു. ഈ മഹനീയ അവസരത്തിൽ, നമ്മുടെ രാജ്യവും ലോകവും നന്മയും സുരക്ഷയും സമൃദ്ധിയും കൊണ്ട് നിറയട്ടെ," ഷെയ്ഖ് മുഹമ്മദ് ബിൻ റാഷിദ് തന്റെ എക്സ് പോസ്റ്റിൽ കുറിച്ചു.

ALSO READ: എമിറേറ്റ്സ് സ്കൈകാർഗോയുടെ വളർച്ചയ്ക്കായി പുതിയ ബോയിംഗ് വിമാനങ്ങൾ; ധനസഹായ കരാറിൽ ഒപ്പുവച്ച് എമിറേറ്റസ് എൻബിഡി

​ഗൾഫ് മേഖലയിലും അതിനപ്പുറത്തും ഐക്യവും സമാധാനവും തുടരണമെന്ന പ്രത്യാശ ഇരു നേതാക്കളും പ്രകടിപ്പിച്ചു. പ്രവാചകന്റെ ജീവിതം കാരുണ്യത്തിന്റെ ശാശ്വത മാതൃകയാണെന്നും ഇരുവരും ഓർമിപ്പിച്ചു.

uae president sheikh mohammed bin zayed al nahyan extended greetings on prophet’s day, calling for unity, peace, and stability across the world.