പുതിയ മാധ്യമ നിയമം അവതരിപ്പിക്കാൻ ഒരുങ്ങുന്നതായി കുവൈത്ത് ഇൻഫർമേഷൻ മന്ത്രാലയം. സോഷ്യൽ മീഡിയയിലെ തട്ടിപ്പുകൾ തടയുന്നതിന്റെ ഭാഗമായി, സെലിബ്രിറ്റികളും സോഷ്യൽ മീഡിയ ഇൻഫ്ലുവൻസർമാരും പരസ്യങ്ങൾ നൽകുന്നതിന് ഇൻഫർമേഷൻ മന്ത്രാലയത്തിൽ നിന്നും വാണിജ്യ-വ്യവസായ മന്ത്രാലയത്തിൽ നിന്നും ലൈസൻസ് നേടേണ്ടത് നിർബന്ധമാക്കും.

പുതിയ നിയമത്തിൽ പരസ്യങ്ങളുടെ രീതികളും, സെലിബ്രിറ്റികൾക്കും ഇൻഫ്ലുവൻസർമാർക്കും ലൈസൻസ് നേടുന്നതിനുള്ള മാനദണ്ഡങ്ങളും വിശദീകരിക്കുന്ന രണ്ട് അധ്യായങ്ങൾ ഉൾപ്പെടുത്തിയിട്ടുണ്ട്. സെലിബ്രിറ്റികളുടെയും കോർപ്പറേറ്റ് പരസ്യങ്ങളുടെയും കാര്യത്തിൽ മന്ത്രാലയത്തിന് വ്യക്തമായ മാർഗനിർദേശങ്ങൾ ഉണ്ടെന്ന് ഔദ്യോഗിക വൃത്തങ്ങൾ വെളിപ്പെടുത്തി.

ALSO READ: ഭിത്തികളിലെ വൃത്തിഹീന ഗ്രാഫിറ്റികള്‍ നീക്കം ചെയ്യാന്‍ ദുബൈ മുനിസിപ്പാലിറ്റി സംരംഭം 

ഉപഭോക്തൃ അവകാശങ്ങൾ സംരക്ഷിക്കപ്പെടുന്നുണ്ടെന്ന് ഉറപ്പാക്കിക്കൊണ്ട്, എല്ലാവരെയും നിയമപരവും വാണിജ്യപരവുമായ ചട്ടക്കൂടിന് വിധേയമാക്കി ഉത്തരവാദിത്തമുള്ളവരാക്കുകയാണ് ഇതിലൂടെ ലക്ഷ്യമിടുന്നത്. പരസ്യങ്ങൾ നൽകുന്ന ഇൻഫ്ലുവൻസർമാർ, സെലിബ്രിറ്റികൾ, കമ്പനികൾ എന്നിവരുടെ സോഷ്യൽ മീഡിയ അക്കൗണ്ടുകൾ ഇൻഫർമേഷൻ മന്ത്രാലയം നിരീക്ഷിക്കണമെന്നാണ് പ്രധാന നിർദേശങ്ങളിലൊന്ന്.

ഈ ലക്ഷ്യം കൈവരിക്കുന്നതിനായി വിവര മന്ത്രാലയവും വാണിജ്യ-വ്യവസായ മന്ത്രാലയവും സംയുക്തമായി പ്രവർത്തിക്കുന്നതായി വൃത്തങ്ങൾ അറിയിച്ചു.

Kuwait's Ministry of Information is set to introduce a new media law that requires celebrities and social media influencers to obtain licenses from the Ministry of Information and the Ministry of Commerce and Industry before promoting products online. This move aims to curb misleading promotions and protect consumers from fraud, particularly in areas like real estate and health products.