അജ്മാൻ: അജ്മാനിൽ പെട്രോളിയം ഉല്‍പ്പന്നങ്ങള്‍ കൊണ്ടുപോകുന്ന വാഹനങ്ങള്‍ അനുവദനീയമല്ലാത്ത പ്രദേശങ്ങളില്‍ പാര്‍ക്ക് ചെയ്യുന്നത് നിരോധിക്കും. അപകടസാധ്യതകൾ കുറയ്ക്കാനാണ് ഈ നടപടികൾ ലക്ഷ്യമിടുന്നത്.

പുതിയ ചട്ടപ്രകാരം, പെട്രോളിയം ഉല്‍പ്പന്നങ്ങള്‍ കൊണ്ടുപോകുന്ന വാഹനങ്ങൾ ജനസാന്ദ്രതയുള്ള പ്രദേശങ്ങളിലോ പ്രാദേശിക അധികാരികൾ നിർദ്ദേശിക്കാത്ത സ്ഥലങ്ങളിലോ പാർക്ക് ചെയ്യാൻ പാടില്ല.

ഇത്തരം നിയമലംഘനങ്ങൾ കണ്ടെത്തുന്നതിനും രേഖപ്പെടുത്തുന്നതിനും അജ്മാൻ സുപ്രീം എനർജി കമ്മിറ്റിയെ ചുമതലപ്പെടുത്തിയിട്ടുണ്ട്. അംഗീകൃത ജുഡീഷ്യൽ ഓഫിസർമാർ മുഖേന ലംഘനങ്ങൾ രേഖപ്പെടുത്തുകയും ലംഘകർക്കെതിരെ ഭരണപരമായ ശിക്ഷകൾ ഏർപ്പെടുത്തുകയും ചെയ്യുമെന്ന് ഞായറാഴ്ച പ്രസിദ്ധീകരിച്ച പ്രസ്താവനയിൽ, അജ്മാൻ മീഡിയ ഓഫിസ് വ്യക്തമാക്കി.

ALSO READ: 965 പേരുടെ താമസവിലാസങ്ങൾ രേഖകളിൽ നിന്ന് നീക്കം ചെയ്ത് കുവൈത്ത് പിഎസിഐ

ശിക്ഷകൾ

അജ്മാൻ ഗവൺമെന്റ് പുറപ്പെടുവിച്ച തീരുമാനം നിയമലംഘകർക്കുള്ള ശിക്ഷകളും വ്യക്തമാക്കിയിട്ടുണ്ട്.

1) ആദ്യ ലംഘനത്തിന് 5,000 ദിർഹം പിഴ
2) ലംഘനം ആവർത്തിച്ചാൽ 10,000 ദിർഹം പിഴ

മൂന്നാം തവണയും നിയമംലംഘിച്ചാൽ 20,000 ദിർഹം പിഴയോടൊപ്പം വാഹനം കണ്ടുകെട്ടി മുനിസിപ്പാലിറ്റി ആൻഡ് പ്ലാനിംഗ് ഡിപ്പാർട്ട്മെന്റുമായി ചേർന്ന് പൊതുലേലത്തിൽ വിൽക്കും.

ALSO READ: ഖത്തറിലെ എംഇഎസ് ഇന്ത്യന്‍ സ്‌കൂളില്‍ അധ്യാപക, അനധ്യാപക ഒഴിവുകള്‍ | Jobs in Qatar MES Indian School 

നിയമം ലംഘിക്കുന്ന ലൈസൻസുള്ള സ്ഥാപനങ്ങൾക്കെതിരെ അധിക പിഴ ചുമത്തുക, പെട്രോളിയം വ്യാപാര പെർമിറ്റുകൾ താൽക്കാലികമായി നിർത്തിവയ്ക്കുകയോ, റദ്ദാക്കുകയോ ചെയ്യുക തുടങ്ങിയ നടപടികൾ സ്വീകരിക്കാൻ സർക്കാർ സുപ്രീം എനർജി കമ്മിറ്റിക്ക് അധികാരം നൽകിയിട്ടുണ്ട്.

കൂടാതെ, ജനസാന്ദ്രതയുള്ള പ്രദേശങ്ങളിൽ അല്ലെങ്കിൽ പൊതുസുരക്ഷയ്ക്ക് ഭീഷണിയുയർത്തുന്ന ഏതൊരു ലംഘനവും സ്ഥാപന ഉടമയുടെ ചെലവിൽ ഉടൻ നീക്കംചെയ്യും. ഈ തീരുമാനം പുറപ്പെടുവിച്ച തീയതി മുതൽ 30 ദിവസത്തിനകം നിലവിൽ വരും.

Ajman authorities have announced a ban on parking petroleum tankers in unauthorized areas to reduce potential risks and ensure public safety. This move aims to prevent accidents and hazards associated with the transportation and storage of hazardous materials. The regulation is part of broader efforts to enhance safety standards in the region [1].