കൊച്ചി: വിരമിക്കൽ പാർട്ടിയിൽ വിളമ്പിയ ബിരിയാണിയിലെ ചിക്കൻ കഷണത്തിന്റെ അളവിനെ ചൊല്ലി ആരംഭിച്ച തർക്കം സംഘട്ടനത്തിൽ കലാശിച്ചു. എറണാകുളം പള്ളുരുത്തി ട്രാഫിക് സ്റ്റേഷനിലെ ഹോംഗാർഡുകളായ ജോർജ്, രാധാകൃഷ്ണൻ എന്നിവരാണ് തമ്മിൽ തല്ലിയത്. സംഭവത്തിൽ രണ്ട് പേർക്കും പരുക്കേറ്റു. തലയ്ക്ക് പരുക്കേറ്റ് രാധാകൃഷ്ണനെ എറണാകുളം ജനറൽ ആശുപത്രിയിൽ പ്രവേശിപ്പിച്ചു. ജോർജിന്റെ പരുക്കുകൾ നിസ്സാരമാണ്.

ചൊവ്വാഴ്ച രാത്രി പള്ളുരുത്തി ട്രാഫിക് സ്റ്റേഷനു മുന്നിലാണ് സംഭവം. മറ്റൊരു ഹോംഗാർഡിന്റെ വിരമിക്കൽ ചടങ്ങ് ആഘോഷിക്കുന്നതിനായി സംഘടിപ്പിച്ച പാർട്ടിയിൽ വെച്ചാണ് സംഭവം.  സംഭവത്തിന്റെ വിശദാംശങ്ങൾ അന്വേഷിക്കുന്നതിന് പൊലിസ് നടപടികൾ സ്വീകരിച്ചു. പാർട്ടിയിൽ പങ്കെടുത്ത മറ്റു ഹോംഗാർഡുകളെല്ലാം സ്റ്റേഷനിലെത്തി വിവരങ്ങൾ നൽകി. ഇത്തരം സംഭവങ്ങൾ  ജീവനക്കാരുടെ ഐക്യത്തിന് കളങ്കമാകുമെന്ന് ഉന്നത പൊലിസ് ഉദ്യോഗസ്ഥർ ചൂണ്ടിക്കാട്ടി. കൂടുതൽ വിശദാംശങ്ങൾക്കായി അന്വേഷണം തുടരുകയാണ്.

ALSO READ: ഥാർ റോക്സിന്റെ രാജവാഴ്ച അവസാനിച്ചിട്ടില്ല: പുതിയ മുഖവുമായി ത്രീ-ഡോർ വീണ്ടും വരുന്നു

സമീപകാലത്ത് ആളുകൾക്കിടയിൽ ഭക്ഷണ സംബന്ധമായ തർക്കങ്ങൾ വർധിച്ചുവരുന്ന സാഹചര്യത്തിൽ പൊലിസിന്റെ ഭാ​ഗത്ത് നിന്ന് ഉണ്ടായതും ശ്രദ്ധ നേടിയിരിക്കുന്നു.  ജീവനക്കാരുടെ വിരമിക്കൽ പാർട്ടികൾ സാധാരണയായി സൗഹൃദപരമായി ആഘോഷിക്കപ്പെടുമ്പോൾ ഈ സംഭവം അപൂർവമായ കാര്യമാണ്.

ALSO READ: മഹീന്ദ്രയുടെ ഇലക്ട്രിക് എസ്‌യുവികളുടെ ഉടമസ്ഥരാണോ നിങ്ങൾ ? ; റഫറൽ പ്രോഗ്രാമിലൂടെ 5 വർഷം വരെ സൗജന്യ സർവീസ് നേടാം

A brawl erupted at Palliuruthy police station in Ernakulam during a retirement party when home guards clashed over insufficient chicken in the biriyani. Two guards, George and Radhakrishnan, were injured, with Radhakrishnan hospitalized due to a head injury. The incident, sparked by a heated argument over food portions, is under investigation by the police.