തിരുവനന്തപുരം: തിരുവനന്തപുരത്ത് അംഗനവാടി ടീച്ചര്‍ കുട്ടിയുടെ മുഖത്തടിച്ചതായി പരാതി. മൊട്ടമൂട് പറമ്പിക്കോണം അംഗനവാടി ടീച്ചര്‍ പുഷ്പകലയ്‌ക്കെതിരെയാണ് പരാതി. 

ഇന്നലെയാണ് സംഭവം. പ്രവീണ്‍- നാന്‍സി ദമ്പതികളുടെ കുട്ടിയ്ക്കാണ് മര്‍ദ്ദനമേറ്റത്. കുട്ടിയുടെ നിര്‍ത്താതെയുള്ള കരച്ചില്‍ കണ്ട മാതാപിതാക്കള്‍ വിവരം തിരക്കിയപ്പോഴാണ് ടീച്ചര്‍ അടിച്ച കാര്യം കുട്ടി പറയുന്നത്. കുഞ്ഞിന്റെ മുഖത്ത് അടിച്ച പാടുമുണ്ട്. തൈക്കാട് ആശുപത്രിയില്‍ ചികിത്സയിലാണ് കുട്ടി. 

Read More: കൊല്ലത്ത്‌ നാലരവയസുകാരനെ അങ്കണവാടി ടീച്ചര്‍ ഉപദ്രവിച്ചെന്ന് പരാതി

അതേസമയം, ആശുപത്രി അധികൃതര്‍ ചൈല്‍ഡ് വെല്‍ഫെയര്‍ കമ്മിറ്റിയെ വിവരം അറിയിക്കുകയായിരുന്നു. എന്നാല്‍ ചൈല്‍ഡ് വെല്‍ഫെയര്‍ കമ്മിറ്റി അധികൃതര്‍ അധ്യാപികയോട് ഇതു സംബന്ധിച്ച് വിശദീകരണം തേടിയെങ്കിലും അധ്യാപിക അടിച്ചില്ലെന്ന വാദത്തില്‍ ഉറച്ചുനില്‍ക്കുകയാണ്. 

അന്വേഷണ വിധേയമായി അധ്യാപികയെ സസ്‌പെന്‍ഡ് ചെയ്തു.