വീട്ടില്‍ എപ്പോഴുമുണ്ടാവുന്ന സാധനങ്ങളാണ് കാരറ്റും പഴവുമെല്ലാം. ഇത് കൊണ്ടൊരു അടിപൊളി സ്‌നാക്‌സ് ഉണ്ടാക്കിയാലോ. എല്ലാവര്‍ക്കും ഇഷ്ടമാകും. വൈകുന്നേരം ചായക്കൊപ്പം എല്ലാവര്‍ക്കും കഴിക്കുകയും ചെയ്യാം.
സൂപ്പര്‍ ടേസ്റ്റുള്ള ഹെല്‍തി സ്‌നാക്‌സ് ഉണ്ടാക്കാനും കഴിക്കാനും മറക്കല്ലേ...

ക്യാരറ്റ് -2
മൈസൂര്‍ പഴം -2
റവ - രണ്ട് സ്പൂണ്‍
പഞ്ചസാര - കാല്‍ കപ്പ്
ഏലയ്ക്കാ -2
നെയ്യ് - ഒരു സ്പൂണ്‍
പാല്‍ - ഒരു കപ്പ്
മൈദ - ഒരു ടേബിള്‍  സ്പൂണ്‍
അപ്പസോഡ - കാല്‍ ടീസ് പൂണ്‍

ഉണ്ടാക്കുന്ന വിധം

ക്യാരറ്റ് ഗ്രേറ്റ് ചെയ്‌തെടുക്കുക. മൈസൂര്‍ പഴമോ റോബസ്റ്റയോ ഏതുവേണമെങ്കിലും എടുക്കാം. ഇത് ഒരു ബൗളിലിട്ട് ഉടച്ചെടുക്കുക. മിക്‌സിയുടെ ജാറിലേക്ക് കാല്‍ കപ്പ് റവയും ഏലയ്ക്കായും പഞ്ചസാരയും കൂടെ പൊടിച്ചെടുക്കുക. ഒരു പാന്‍ അടുപ്പത്ത് വച്ച് അതിലേക്ക് കുറച്ചെ നെയ്യ് ചേര്‍ത്ത് ഗ്രേറ്റ് ചെയ്ത ക്യാരറ്റ് വഴറ്റുക. അതിലേക്ക് കുറച്ചു പഞ്ചസാരയും ചേര്‍ത്തു കൊടുക്കുക. അത് മാറ്റിവയ്ക്കുക.  

ALSO READ: ക്യാരറ്റ് കോകനട്ട് ബോള്‍സ് - അടിപൊളി രുചിയില്‍ പെട്ടെന്നു തയാറാക്കാം

ഒരു പാന്‍ എടുത്ത് അതിലേക്ക് പൊടിച്ചുവച്ച പഞ്ചസാര കൂട്ട് ഇടുക. ഒരുനുള്ള് ഉപ്പും ഒരു കപ്പ് പാലും ചേര്‍ത്ത് നന്നായി മിക്‌സ് ചെയ്യുക. ലൂസ് മാവ് ആയിരിക്കണം. ഇതിലേക്ക് മൈദ കൂടെ ചേര്‍ത്ത് ഒന്നു കൂടെ മിക്‌സ് ചെയ്യുക. ശേഷം ഉടച്ചു വച്ച പഴം ചേര്‍ക്കുക. നന്നായി മിക്‌സ് ചെയ്യുക. ഇനി ഗ്രേറ്റ് ചെയ്തു വച്ച ക്യാരറ്റും ചേര്‍ത്ത് വീണ്ടും മിക്‌സ് ചെയ്യുക. അപ്പ സോഡ കൂടെ ചേര്‍ത്ത് ഒന്നു മിക്‌സ് ചെയ്തു അഞ്ചു മിനിറ്റ് വയ്ക്കുക. 
ഉണ്ണിയപ്പ ചട്ടി അടുപ്പത്ത് വച്ച് അതിലേക്ക് കുറച്ചു വീതം ഈ മാവ് ഒഴിച്ചുകൊടുക്കുക. ഒട്ടിപ്പിടിക്കാതിരിക്കാന്‍ അല്‍പം എണ്ണ പുരട്ടുക. മൂടിവയ്ക്കുക, തിരിച്ചിടുക. സൂപ്പര്‍ ടേസ്റ്റില്‍ സ്‌നാക് റെഡി.

Got bananas and carrots? Whip up delicious, easy snacks in no time! Discover simple recipes for healthy, flavorful treats perfect for any time of the day.