ചൂടുള്ള ചോറിനൊപ്പം ഒഴിച്ചു കഴിക്കാന്‍ പറ്റുന്ന അടിപൊളി കറിയാണിത്. വഴുതനയോ പടവലമോ എന്തുമാവാം. ഇങ്ങനെയൊന്നു കറിവച്ചു നോക്കൂ... സൂപ്പറായിരിക്കും. കുട്ടികള്‍ക്കാണെങ്കില്‍ എരിവില്ലാതെ തന്നെ കഴിക്കാനും പറ്റും. 

ചേരുവ

വഴുതന - 3
പച്ചമുളക് -2
സവാള - ചെറുതൊന്ന്
ചെറിയുള്ളി - 4
ഇഞ്ചി വെളുത്തുള്ളി പേസ്റ്റ് - ഒരു സ്പൂണ്‍
കടുക്- ഉലുവ - കാല്‍ടീസ്പൂണ്‍
തേങ്ങ- ഒരു കപ്പ്

ALSO READ: പപ്പടം വീട്ടില്‍ തന്നെ ഉണ്ടാക്കാം; എളുപ്പത്തില്‍, നല്ല രുചിയോടെ 

മഞ്ഞപ്പൊടി- കാല്‍ ടീസ്പൂണ്‍
മുളകു പൊടി - ഒരു ടീസ്പൂണ്‍
മല്ലിപ്പൊടി - ഒരു സ്പൂണ്‍
പുളി - നെല്ലിക്കാവലിപ്പം

ഉണ്ടാക്കുന്ന വിധം

മിക്‌സിയുടെ ജാറില്‍ ആദ്യം തേങ്ങയും ചെറിയുള്ളിയും കറിവേപ്പിലയുമിട്ട് ആവശ്യത്തിന് വെള്ളവുമൊഴിച്ച് നന്നായി അരച്ചെടുക്കുക. ഇനി ചട്ടിയില്‍ (എന്തുപാത്രത്തിലാണോ ഉണ്ടാക്കുന്നത്) വെളിച്ചെണ്ണ ഒഴിച്ച് ചൂടാകുമ്പോള്‍ ഇത്തിരി കടുകും ഉലുവയുമിട്ട് പൊട്ടിക്കുക. ഇതിലേക്ക് സവാളയരിഞ്ഞതും കുറച്ചു കറിവേപ്പിലയും പച്ചമുളകും ചേര്‍ത്തു നന്നായി വഴറ്റുക. ഇതിലേക്ക് വെളുത്തുള്ളി ഇഞ്ചി പേസ്റ്റ് കൂടെ ചേര്‍ക്കുക.

വഴറ്റിയ ശേഷം മല്ലിപ്പൊടിയും മുളകു പൊടിയും മഞ്ഞള്‍ പൊടിയും ചേര്‍ത്ത് നന്നായി വഴറ്റുക. ഇതിലേക്ക് അരച്ചുവച്ച തേങ്ങയുടെ കൂട്ട് കൂടെ ചേര്‍ത്തു ആവശ്യത്തിനുള്ള വെള്ളവുമൊഴിച്ച് കുറച്ചു പുളി കൂടി പിഴിഞ്ഞെടുത്ത് തിളപ്പിക്കുക.  മുറിച്ചുവച്ച വഴുതനങ്ങ തിളച്ചു വരുമ്പോള്‍ ചേര്‍ത്തുകൊടുക്കുക. ഇതൊന്നു വെന്തതിനു ശേഷം ഇതിലേക്ക് പച്ച വെളിച്ചെണ്ണയും കുറച്ചു കറിവേപ്പിലയും ചേര്‍ത്തുകൊടുക്കുക. സൂപ്പര്‍ ടേസ്റ്റുള്ള കറി റെഡി. 

This is a delicious and easy-to-make curry that pairs perfectly with hot rice. You can prepare it using brinjal (vazhuthananga) or snake gourd (padavalanga) as the main ingredient. The curry is flavorful yet mild, making it suitable for children as well — just reduce or skip the spice level. It’s a simple, homely dish that brings out the natural taste of the vegetable and is perfect for a quick lunch or dinner.