പപ്പടമില്ലാതെ മലയാളിക്ക് ചോറ് കഴിക്കല്‍ പൂര്‍ണമാവുകയില്ല.  ചോറും നെയ്യും പരിപ്പും കൂട്ടി കുഴക്കുമ്പോള്‍ പൊടിച്ച് ചേര്‍ക്കാന്‍ അല്‍പം പപ്പടത്തിന്റെ മേമ്പൊടി ഇല്ലാതെ വയ്യ. തൂശനിലയില്‍ ചൂട് ചോറ് വിളമ്പുമ്പോള്‍ ഒരു വശത്ത് പപ്പടം കാണം. എന്നാല്‍ വാങ്ങുന്ന പപ്പടം എത്ര കണ്ട് വിശ്വസിക്കാമെന്ന് നമുക്കറിയുകയുമില്ല.  രുചിയേറെ വേണമെങ്കില്‍ ചില കാര്യങ്ങള്‍ ശ്രദ്ധിക്കേണ്ടതുണ്ട്.

ചീനച്ചട്ടിയില്‍ എണ്ണ ഒഴിച്ച് നല്ലത് പോലെ ചൂടാകുമ്പോള്‍ പപ്പടം ഇട്ട് പൊരിച്ചെടുക്കുക. പപ്പടം കരിയാതിരിക്കാന്‍ പ്രത്യേകം ശ്രദ്ധിക്കുകയും വേണം. വലുത്, ചെറുത്, ഇടത്തരം എന്നിങ്ങനെ പല വലുപ്പത്തില്‍ പപ്പടങ്ങള്‍ ഇന്ന് വിപണിയില്‍ ലഭ്യമാണ്. എന്നാല്‍ കുറച്ചു സമയം മാറ്റിവയ്ക്കാനുണ്ടെങ്കില്‍ രുചികരമായ പപ്പടങ്ങള്‍ നമ്മുക്ക് വീട്ടില്‍ തന്നെ ഉണ്ടാക്കാവുന്നതാണ്.

 ചേരുവകള്‍

ഉഴുന്ന് പരിപ്പ്  - 1 കപ്പ്

ബേക്കിങ് സോഡാ  - അര ടീസ്പൂണ്‍

ഉപ്പ്  - ആവശ്യത്തിന്

മൈദ - ആവശ്യത്തിന്

നല്ലെണ്ണ  -1 സ്പൂണ്‍

ALSO READ: പൂരി ഉണ്ടാക്കുമ്പോള്‍ ക്രിസ്പിയാവാതെ പപ്പടം പോലെയിരിക്കുന്നുണ്ടോ...? ഇങ്ങനെ ചെയ്തു നോക്കൂ

ഉണ്ടാക്കുന്ന വിധം

 മിക്‌സിയുടെ ജാറില്‍ ആദ്യം ഉഴുന്ന് പൊടിച്ചെടുക്കുക. ഇതിലേക്ക് ബേക്കിങ് സോഡായും ഉപ്പും ചേര്‍ത്ത് യോജിപ്പിച്ചെടുക്കുക. ശേഷം ഇതിലേക്ക് കുറച്ച് കുറച്ചായി വെള്ളം ഒഴിച്ച് കൊടുത്ത് കുഴച്ചെടുക്കുക.  അതിലേക്ക് നല്ലെണ്ണ കൂടെ ഒഴിച്ച്  നന്നായി കുഴച്ചെടുക്കുക.  ചെറിയ ഉരുളകളാക്കി എടുക്കുക.

അല്‍പം മൈദ വിതറിയ ശേഷം ചെറുതായി പരത്തി എടുക്കുക. പപ്പടത്തിന്റെ വലുപ്പത്തില്‍ പരത്തുക.  ഇനി വെയിലത്ത് വച്ച് ഉണക്കി എടുക്കുക. രണ്ട് വശവും നന്നായി ഉണക്കി എടുക്കാന്‍ ശ്രദ്ധിക്കണം. ശേഷം ചൂട് എണ്ണയില്‍ പപ്പടം കാച്ചി എടുക്കുക. രുചിയുള്ള പപ്പടം റെഡി.

For most Malayalis, a traditional meal feels incomplete without crispy papad alongside rice, dal, and ghee. While store-bought papads are convenient, their quality and safety can be uncertain. For better taste and peace of mind, try making papad at home. Whether large, small, or medium-sized, frying papad correctly — without burning — is key. With a bit of time and care, you can prepare delicious, homemade papads that elevate any meal.