പുതുനഗരം: പ്രായപൂര്‍ത്തിയാകാത്ത ആണ്‍കുട്ടിയെ ലൈംഗികമായി ദുരുപയോഗം ചെയ്യാന്‍ ശ്രമിച്ചെന്ന പരാതിയില്‍ സി.പി.എം ബ്രാഞ്ച് സെക്രട്ടറി എന്‍.ഷാജി (40)അറസ്റ്റില്‍.  പോക്‌സോ നിയമപ്രകാരമാണു കേസ്. പുതുനഗരം ലോക്കല്‍ കമ്മിറ്റിക്കു കീഴിലെ ചെട്ടിയത്തുകുളമ്പ് സി.പി.എം ബ്രാഞ്ച് സെക്രട്ടറിയാണ് ഇയാള്‍. സംഭവത്തിന് പിന്നാലെ സി.പി.എം ഇയാളെ പാര്‍ട്ടിയില്‍ നിന്നും പുറത്താക്കി. 

ALSO READ: ശസ്ത്രക്രിയക്കിടെ ഗൈഡ് വയർ നെഞ്ചിൽ കുടുങ്ങിയ സംഭവം; സുമയ്യ ഇന്ന് മെഡിക്കൽ ബോർഡിന് മുന്നിൽ ഹാജരാകും

ചൊവ്വാഴ്ച്ച രാവിലെയാണ് കേസിനാസ്പദമായ സംഭവം നടന്നത്. കൊടുവായൂരില്‍ കായികോപകരണങ്ങള്‍ വില്‍ക്കുന്ന കട നടത്തുന്നയാളാണ് പ്രതി ഷാജി. ജഴ്‌സി വാങ്ങാന്‍ കടയിലെത്തിയ 10-ാം ക്ലാസുകാരനു ഷാജി സ്വകാര്യഭാഗം കാണിക്കുകയും കുട്ടിയോട് തിരിച്ചും സ്വകാര്യഭാഗം പ്രദര്‍ശിപ്പിക്കാന്‍ ആവശ്യപ്പെടുകയും കുട്ടിയുടെ സ്വകാര്യഭാഗത്ത് സ്പര്‍ശിക്കുകയും ചെയ്‌തെന്നാണു കേസ്. കുട്ടി സംഭവം രക്ഷിതാക്കളെ അറിയിക്കുകയായിരുന്നു. കുട്ടിയുടെ രക്ഷിതാക്കളുടെ പരാതിയില്‍ ബുധനാഴ്ച്ച പുതുനഗരം പൊലിസ് കേസെടുത്തു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

English Summary: A CPM branch secretary, N. Shaji (40), has been arrested under the POCSO Act for allegedly attempting to sexually abuse a minor boy. The incident took place on Tuesday morning at Shaji's sports equipment store in Koduvayur. The accused was the branch secretary of the CPM's Chettiyathukulam unit under the Puthunagaram local committee. Following the incident, the CPM expelled him from the party.