ദുബൈ: 2026-ലെ ഹജ്ജ് സീസണിന് മുന്നോടിയായി മക്കയിലെയും മദീനയിലെയും തീർത്ഥാടകർക്കുള്ള താമസ സൗകര്യങ്ങൾക്ക് പുതിയ ലൈസൻസിംഗ് സംവിധാനം അവതരിപ്പിച്ചിരിക്കുകയാണ് ഹജ്ജ്-ഉംറ മന്ത്രാലയം. ഇനി മുതൽ ലൈസൻസുകൾ ലഭിക്കുക ടൂറിസം മന്ത്രാലയവും മുനിസിപ്പാലിറ്റീസ് ആൻഡ് ഹൗസിംഗ് മന്ത്രാലയവും ചേർന്ന് വികസിപ്പിച്ച താൽക്കാലിക ഹോസ്റ്റൽ ലൈസൻസിംഗ് സേവനത്തിലൂടെയാണ്. 

തീർത്ഥാടകർക്കുള്ള താമസ സൗകര്യങ്ങൾ വാടകയ്ക്ക് നൽകാൻ അർഹത നേടുന്നതിനായി അപേക്ഷകർ നുസുക് മസാർ പ്ലാറ്റ്‌ഫോമിലൂടെ രജിസ്റ്റർ ചെയ്യണം.

ALSO READ: യാത്രക്കാരുടെ ശ്രദ്ധക്ക്; കിംഗ് ഫൈസൽ സ്ട്രീറ്റിൽ നിന്ന് അൽ വഹ്ദ സ്ട്രീറ്റിലേക്കുള്ള എക്സിറ്റ് ഒക്ടോബർ 11 വരെ താൽക്കാലികമായി അടച്ചിടും; പ്രഖ്യാപനവുമായി ആർടിഎ

2026 ഫെബ്രുവരി 1-ന് കരാർ കാലാവധി അവസാനിക്കുന്നതിന് മുമ്പ്, നിശ്ചിത മാനദണ്ഡങ്ങൾക്കനുസരിച്ച്, ടൂറിസം മന്ത്രാലയത്തിന്റെ ഇലക്ട്രോണിക് പ്ലാറ്റ്‌ഫോമിലൂടെ ലൈസൻസുകൾ നേടണം. ടൂറിസം മന്ത്രാലയത്തിൽ നിന്ന് വർഷം മുഴുവൻ സാധുതയുള്ള ലൈസൻസുകൾ നേടിയിട്ടുള്ള ഹോട്ടലുകൾക്ക് ഈ നടപടി ബാധമല്ല.
 
താൽക്കാലിക ഹോസ്റ്റൽ ലൈസൻസിംഗ് സംവിധാനം സേവന നിലവാരം ഉയർത്താനും, ബുക്കിംഗ് പ്രക്രിയ ലളിതമാക്കാനും, ഹജ്ജ് അനുഭവം മെച്ചപ്പെടുത്താനും ലക്ഷ്യമിടുന്നു. സീസണൽ ലൈസൻസുകൾ നൽകി സേവന നിലവാരം മെച്ചപ്പെടുത്താനാണ് ഈ പുതിയ സംവിധാനം രൂപകൽപ്പന ചെയ്തിരിക്കുന്നത്. 

The Saudi Ministry of Hajj and Umrah has launched a new licensing system for pilgrim accommodations in Mecca and Medina ahead of the 2026 Hajj season. The temporary hostel licensing service, developed in collaboration with the Ministry of Tourism and the Ministry of Municipalities and Housing, aims to improve service quality and ensure a safe, organized experience for pilgrims. Key features of the new system include.