ഇന്നത്തെ കാലത്ത് ബഡ്ജറ്റ് താളം തെറ്റാതെ കൊണ്ടുപോകുന്നതില്‍ ക്രെഡിറ്റ് കാര്‍ഡ് പ്രധാന പങ്ക് വഹിക്കുന്നുണ്ട്. ഒട്ടുമിക്ക ആളുകള്‍ക്കും ഒരു ക്രെഡിറ്റ് കാര്‍ഡെങ്കിലും ഉണ്ടാകും. യാത്രക്കിടയിലോ ഷോപ്പിങിനിടയിലോ ക്രഡിറ്റ് കാര്‍ഡ് നഷ്ടപ്പെടുന്നത് സാധാരണമാണ്. എന്നാല്‍ ക്രഡിറ്റ് കാര്‍ഡ് നഷ്ടപ്പെട്ടാല്‍ ഉടന്‍ എന്താണ് ചെയ്യേണ്ടതെന്ന് പലര്‍ക്കും അറിയില്ല. തട്ടിപ്പിന് വളരെ സാധ്യതയുള്ള ഇക്കാലത്ത് ക്രെഡിറ്റ് കാര്‍ഡ് കൈമോശം വരുന്നത് അങ്ങേയറ്റം കരുതലോടെ കാണണം.

 ക്രെഡിറ്റ് കാര്‍ഡ് നഷ്ടപ്പെട്ടാല്‍ ഉടനടി ഇക്കാര്യങ്ങള്‍ ചെയ്യുക

1. കാര്‍ഡ് നല്‍കിയ സ്ഥാപനത്തിന്റെ ഹെല്‍പ്ലൈന്‍ നമ്പറില്‍ കസ്റ്റമര്‍ എക്‌സിക്യൂട്ടീവിനെ അറിയിക്കുക.

2. അതിനു കഴിഞ്ഞില്ലെങ്കില്‍ നെറ്റ് ബാങ്കിങ്/മൊബൈല്‍ ബാങ്കിങ് വഴി കാര്‍ഡ് ഉടനടി ബ്ലോക്ക്/ലോക്ക് ചെയ്യുക.

3. സമീപകാലത്തെ പണമിടപാടുകള്‍ പരിശോധിച്ച് സംശയമുണ്ടെങ്കില്‍ കസ്റ്റമര്‍ സര്‍വീസില്‍ അറിയിക്കുക.

4. വലിയ തട്ടിപ്പ് നടന്നിട്ടുണ്ടെങ്കില്‍ പൊലീസ് സ്റ്റേഷനിലെത്തി എഫ്‌ഐആര്‍ രജിസ്റ്റര്‍ ചെയ്യുക.

5. തട്ടിപ്പിന് ഇരയായെങ്കില്‍ നാഷണല്‍ സൈബര്‍ ക്രൈം റിപ്പോര്‍ട്ടിങ് പോര്‍ട്ടലിലും പരാതിപ്പെടാം. https://cybercrime.gov.in/

6.കാര്‍ഡുമായി ബന്ധിപ്പിച്ച പതിവു പേയ്‌മെന്റ് വിവരങ്ങള്‍ അപ്‌ഡേറ്റ് ചെയ്യുക.

7. പുതിയ ക്രെഡിറ്റ് കാര്‍ഡിന് അപേക്ഷിക്കുക. ചില ബാങ്കുകള്‍ പ്രത്യേക ഫീസ് ഈടാക്കുന്നുണ്ട്.