ദുബൈ: യുഎഇയുടെ ആകാശത്ത് ഈ മാസം ഒരു അപൂർവ ആകാശ വിസ്മയം കാണാം. വെള്ളിയാഴ്ച പുലർച്ചെ അൽ ഖാതിം ഒബ്സർവേറ്ററിയിൽ C/2025 A6 ലെമൺ എന്ന ധൂമകേതുവിന്റെ ചിത്രങ്ങൾ പകർത്തിയതായി ഇന്റർനാഷണൽ ആസ്ട്രോണമി സെന്റർ വ്യക്തമാക്കി. ജനുവരി 3-നാണ് ഈ വാൽനക്ഷത്രത്തെ കണ്ടെത്തിയത്, ക്രമേണ അതിന്റെ പ്രകാശം വർധിച്ചുവരികയാണ്.

ALSO READ: ഒമ്പതാമത് ദുബൈ ഫിറ്റ്നസ് ചലഞ്ച് നവംബർ ഒന്നിന് ആരംഭിക്കും; രജിസ്ട്രേഷൻ ആരംഭിച്ചു

തുടക്കത്തിൽ വലിയ ടെലിസ്കോപ്പുകൾ വഴി മാത്രമായിരുന്നു ഈ വാൽനക്ഷത്രം ദൃശ്യമായിരുന്നത്. എന്നാൽ, ഇപ്പോൾ ഇത് ഇരുണ്ട സ്ഥലങ്ങളിൽ ബൈനോക്കുലറുകൾ ഉപയോഗിച്ച് കാണാൻ സാധിക്കും. വൈകാതെ തന്നെ നഗര വെളിച്ചങ്ങളിൽ നിന്ന് അകലെയുള്ള പ്രദേശങ്ങളിൽ ഇത് നഗ്നനേത്രങ്ങൾ കൊണ്ട് കാണാനാകും.

ഒക്ടോബർ 21-ന് വാൽനക്ഷത്രം ഭൂമിയോട് ഏറ്റവും അടുത്തെത്തും. പിന്നീട്, നവംബർ 8-ന് സൂര്യനോട് ഏറ്റവും അടുത്തുള്ള ബിന്ദുവായ പെരിഹീലിയനിൽ എത്തും. C/2025 A6 ലെമൺ ഏകദേശം 1,350 വർഷം കൂടുമ്പോൾ സൂര്യനെ ഒരു തവണ ചുറ്റുന്നു.

നിലവിൽ പുലർച്ചെ കിഴക്കൻ ആകാശത്ത് ദൃശ്യമായ ഈ വാൽനക്ഷത്രം, ഒക്ടോബർ 15 മുതൽ സൂര്യാസ്തമനത്തിന് ശേഷം പടിഞ്ഞാറൻ ആകാശത്ത് കാണാൻ സാധിക്കും. ഒക്ടോബർ 17 മുതൽ 27 വരെയാണ് ഏറ്റവും മികച്ച ദൃശ്യാനുഭവം ലഭിക്കുക, ഈ സമയത്ത് വാൽനക്ഷ്ത്രത്തിന്റെ പ്രകാശം ഉച്ചസ്ഥായിയിലെത്തുകയും ചന്ദ്രപ്രകാശം ഇല്ലാത്ത ആകാശം ദൃശ്യം വ്യക്തമാക്കുകയും ചെയ്യും. ഈ കാലയളവിൽ ധൂമകേതുവിന്റെ വാൽ 15 മുതൽ 40 ഡിഗ്രി വരെ നീണ്ടുകാണപ്പെടുമെന്നാണ് പ്രതീക്ഷിക്കുന്നത്.

ALSO READ: എക്‌സ്‌പോ സിറ്റി ദുബൈ സന്ദർശിക്കുന്നുണ്ടോ? സൗജന്യ ബസുകളും പാർക്കിം​ഗും ഒരുക്കി ആർടിഎ

4 ഇഞ്ച് റിഫ്രാക്ടിംഗ് ടെലിസ്കോപ്പ്, കളർ ക്യാമറ, ലൈറ്റ്-പൊല്യൂഷൻ ഫിൽറ്റർ എന്നിവ ഉപയോഗിച്ച് യുഎഇ സമയം പുലർച്ചെ 4:10 മുതൽ 5:00 വരെ പകർത്തിയ ചിത്രങ്ങളിൽ ധൂമകേതു പച്ചനിറത്തിൽ തിളങ്ങുന്നതായി കാണാം. ഇതിനു കാരണം, അൾട്രാവയലറ്റ് സൂര്യപ്രകാശവുമായി പ്രതിപ്രവർത്തിക്കുന്ന ഐയോണൈസ്ഡ് കാർബൺ തന്മാത്രകളാണ്. 

The International Astronomy Center has captured images of the comet C/2025 A6 (Lemmon) in the UAE skies. This rare celestial event is a treat for stargazers and astronomers. The comet is currently visible with the help of a small binocular, and its position is in the constellation of Leo Minor