ദുബൈ: സോഷ്യൽ മീഡിയ പ്ലാറ്റ്‌ഫോമുകളിലും വെബ്‌സൈറ്റുകളിലും പ്രചരിക്കുന്ന വ്യാജ പരസ്യങ്ങളെക്കുറിച്ച് മുന്നറിയിപ്പ് നൽകി ദുബൈ പൊലിസ്. ഈ പരസ്യങ്ങളിലധികവും മികച്ച ശമ്പളം വാഗ്ദാനം ചെയ്യുന്ന പാർട് ടൈം ജോലികളുടേതാണ്. 

ഇത്തരം പരസ്യങ്ങൾ തട്ടിപ്പുകാർ ഇരകളെ നിയമവിരുദ്ധ പ്രവർത്തനങ്ങളിലേക്ക് ആകർഷിക്കാൻ ഉപയോഗിക്കുന്ന കെണികളാണെന്ന് ദുബൈ പൊലിസ് വ്യക്തമാക്കി. ഇരയുടെ പേരിൽ ബാങ്ക് അക്കൗണ്ടുകൾ തുറക്കുക, അജ്ഞാത ഉറവിടങ്ങളിൽ നിന്ന് ഫണ്ട് കൈമാറുക, അല്ലെങ്കിൽ മറ്റ് തട്ടിപ്പ് പദ്ധതികളുമായി ബന്ധപ്പെട്ട ജോലികൾ ചെയ്യുക തുടങ്ങിയവയെല്ലാം ഇതിൽ ഉൾപ്പെടുന്നു. 

ALSO READ: യുഎഇയുടെ ആകാശത്ത് വാൽനക്ഷത്രം; നഗ്നനേത്രങ്ങൾ കൊണ്ട് കാണാം; ഒക്ടോബർ 17 മുതൽ 27 വരെ ഏറ്റവും മികച്ച സമയം

ഓൺലൈനിൽ പരസ്യം കണ്ട ജോലിക്ക് അപേക്ഷിക്കുന്നതിന് മുമ്പ് തൊഴിലുടമയുടെ ആധികാരികത പരിശോധിക്കണമെന്ന് അധികൃതർ പൊതുജനങ്ങളോട് അഭ്യർത്ഥിച്ചു. സ്ഥിരീകരിക്കാത്ത കക്ഷികളുമായി വ്യക്തിഗത വിവരങ്ങളോ ബാങ്കിംഗ് വിശദാംശങ്ങളോ പങ്കുവെക്കരുതെന്നും, പണം കൈമാറ്റം ആവശ്യപ്പെടുന്നതോ വ്യക്തിഗത അക്കൗണ്ട് വിവരങ്ങൾ ഉപയോഗിക്കാൻ ആവശ്യപ്പെടുന്നതോ ആയ ഓഫറുകൾ ഒഴിവാക്കണമെന്നും അധികൃതർ വ്യക്തമാക്കി. അതേസമയം, സംശയാസ്പദമായ പരസ്യങ്ങൾ ഉടൻ തന്നെ eCrime പ്ലാറ്റ്‌ഫോമിലൂടെയോ 901 എന്ന നമ്പറിൽ വിളിച്ചോ റിപ്പോർട്ട് ചെയ്യണമെന്നും അധികൃതർ അറിയിച്ചു. തട്ടിപ്പുകാർക്കെതിരായ ആദ്യ പ്രതിരോധം പൊതുജന അവബോധമാണെന്നും ദുബൈ പൊലിസ് കൂട്ടിച്ചേർത്തു.

The Dubai Police's Anti-Fraud Centre has issued a warning about fake job advertisements circulating on social media platforms and websites, promising part-time jobs with attractive salaries. These ads are designed to lure victims into sharing personal and banking details or performing tasks linked to fraudulent schemes.