ഹരിപ്പാട്: കണ്‍സ്യൂമര്‍ഫെഡിന്റെ സഹകരണത്തോടെ ഹരിപ്പാട് സര്‍വ്വീസ് സഹകരണ ബാങ്കിന്റെ ആഭിമുഖ്യത്തില്‍ ആരംഭിച്ച ഓണം സഹകരണ വിപണി ജില്ലാ പഞ്ചായത്ത് പ്രസിഡന്റ് ജി.വേണുഗോപാല്‍ ഉദ്ഘാടനം ചെയ്തു. വിലക്കയറ്റം തടയുക എന്ന സംസ്ഥാന സര്‍ക്കാരിന്റെ പ്രഖ്യാപിത നയത്തിന്റെ ഭാഗമായി ഓണത്തിന് സബ്‌സിഡി നിരക്കില്‍ ഗുണമേന്മയുള്ള നിത്യോപയോഗ സാധനങ്ങള്‍ പൊതുജനങ്ങള്‍ക്ക് വിതരണം ചെയ്യുകയാണ് സഹകരണ വിപണിയുടെ ഉദ്ദേശം. ഹരിപ്പാട് മുനിസിപ്പല്‍ ചെയര്‍പേഴ്‌സണ്‍ പ്രൊഫ.സുധാസുശീലന്‍ അദ്ധ്യക്ഷയായി. ബാങ്ക് പ്രസിഡന്റ് സി.എന്‍.എന്‍ നമ്പി, എസ്.രാധാമണിയമ്മ, എം.സത്യപാലന്‍, എം.ആര്‍ ഹരികുമാര്‍, സി.വി ചന്ദ്രബാബു, ജി.ബാബുരാജ്, എം.പത്മകുമാര്‍ എന്നിവര്‍ സംസാരിച്ചു.