റിയാദ്: തൊഴിൽ നിയമങ്ങളും ചട്ടങ്ങളും ലംഘിച്ച 10 റിക്രൂട്ട്‌മെന്റ് ഓഫീസുകൾ അടച്ചുപൂട്ടാൻ ഉത്തരവിട്ട് സഊദി മാനവ വിഭവശേഷി, സാമൂഹിക വികസന മന്ത്രാലയം. കൂടാതെ മറ്റ് 27 ഓഫീസുകളുടെ ലൈസൻസുകൾ റദ്ദാക്കുകയും ചെയ്തു. സർക്കാർ ഉടമസ്ഥതയിലുള്ള പ്രസ് ഏജൻസിയായ എസ്.പി.എ.യാണ് ഇക്കാര്യം റിപ്പോർട്ട് ചെയ്തത്.

2025-ലെ മൂന്നാം പാദത്തിൽ മന്ത്രാലയം നടത്തിയ പരിശോധനകളുടെ അടിസ്ഥാനത്തിലാണ് കർശന നടപടികൾ സ്വീകരിച്ചത്.

ALSO READ: വർക്ക് പെർമിറ്റ് ഫീസ് ഗാർഹിക തൊഴിലാളികളിൽ നിന്ന് ഈടാക്കുന്നത് വിലക്കി സഊദി; നിയമലംഘകർക്ക് കനത്ത പിഴ

നിയമലംഘനങ്ങളും നടപടികളും

നിയമലംഘനങ്ങൾ കണ്ടെത്തിയതിനെത്തുടർന്ന് ആകെ 37 റിക്രൂട്ട്‌മെന്റ് ഓഫീസുകൾക്കെതിരെ നിയമനടപടി സ്വീകരിച്ചതായി മന്ത്രാലയം പ്രസ്താവനയിൽ അറിയിച്ചു. നിയമലംഘനങ്ങൾ നിശ്ചിത സമയപരിധിക്കുള്ളിൽ തിരുത്തുന്നതിൽ പരാജയപ്പെട്ട 10 ഓഫീസുകളുടെ പ്രവർത്തനമാണ് താൽക്കാലികമായി നിർത്തിവെച്ചത്. മറ്റ് 27 ഓഫീസുകളുടെ ലൈസൻസുകൾ റദ്ദാക്കുകയും ചെയ്തു.

• കണ്ടെത്തിയ പ്രധാന നിയമലംഘനങ്ങൾ:
• ഉപഭോക്താക്കളുടെ പണം തിരികെ നൽകുന്നതിലെ കാലതാമസം.
• പരാതികൾ പരിഹരിക്കുന്നതിൽ വരുത്തിയ വീഴ്ച.
• റിക്രൂട്ട്‌മെൻ്റ്, തൊഴിൽ സേവന ചട്ടങ്ങൾ കൃത്യമായി പാലിക്കുന്നതിലെ വിഴ്ച.

ALSO READ: താമസ, തൊഴിൽ നിയമങ്ങളുടെ ലംഘനം; സഊദിയിൽ ഒരാഴ്ചക്കിടെ അറസ്റ്റിലായത് 23000 ലധികം നിയമ ലംഘകർ

തൊഴിലാളികളുടെയും തൊഴിലുടമകളുടെയും അവകാശങ്ങൾ സംരക്ഷിക്കുന്നതിനും റിക്രൂട്ട്‌മെന്റ് മേഖലയിൽ കൂടുതൽ ഉത്തരവാദിത്തം ഉറപ്പാക്കുന്നതിൻ്റെയും ഭാഗമായാണ് ഈ നടപടികളെന്ന് ഉദ്യോഗസ്ഥർ വ്യക്തമാക്കി.

പൊതുജനങ്ങൾ ലൈസൻസുള്ള സേവന ദാതാക്കളുമായി മാത്രം കരാറിൽ ഏർപ്പെടണമെന്നും, നിയമലംഘനങ്ങൾ ശ്രദ്ധയിൽപ്പെട്ടാൽ 920002866 എന്ന ഹോട്ട്‌ലൈൻ വഴിയോ മുസനെഡ് (Musaned) ആപ്പ് വഴിയോ റിപ്പോർട്ട് ചെയ്യണമെന്നും മന്ത്രാലയം പൊതുജനങ്ങളോട് അഭ്യർത്ഥിച്ചു.

saudi arabia has suspended operations of 10 recruitment firms in riyadh, jeddah, and dammam due to serious violations including illegal fees, job misrepresentation, and non-compliance with nitaqat program. fines up to sar 100,000 imposed to protect workers' rights and ensure fair hiring practices.