മനാമ: ബഹ്‌റൈനിലെ പ്രധാനപ്പെട്ട സ്ഥലങ്ങളെയും വിനോദ സഞ്ചാര കേന്ദ്രങ്ങളെയും പരിചയപ്പെടുത്തുന്ന സൈന്‍ ബോര്‍ഡുകള്‍ കിങ് ഫഹദ് കോസ്‌വേയില്‍ സ്ഥാപിക്കുന്നു. സതേണ്‍ മുനിസിപ്പല്‍ കൗണ്‍സിലാണ് ഈ നിര്‍ദേശം മുന്നോട്ടുവെച്ചത്. സൗദി അറേബ്യയില്‍ നിന്ന് കിങ് ഫഹദ് കോസ് വേ വഴി ബഹ്‌റൈനിലേക്ക് പ്രവേശിക്കുന്ന സന്ദര്‍ശകരെ സൈന്‍ബോര്‍ഡുകള്‍ ഉപയോഗിച്ച് ദേശീയ ലാന്‍ഡ്മാര്‍ക്കുകളും വിനോദസഞ്ചാര ആകര്‍ഷണങ്ങളും ഉയര്‍ത്തിക്കാട്ടി സ്വാഗതം ചെയ്യുകയാണ് ഇതിലൂടെ ലക്ഷ്യമിടുന്നത്.

കിങ് ഫഹദ് കോസ്‌വേ ആണ് ഞങ്ങളുടെ ഏറ്റവും വലിയ ധമനിയെന്ന് സതേണ്‍ മുനിസിപ്പല്‍ കൗണ്‍സില്‍ ചെയര്‍മാന്‍ അബ്ദുല്ല അബ്ദുല്ലത്തീഫ് പറഞ്ഞു. പരിമിതമായ സൈറ്റുകള്‍ക്ക് മാത്രമേ ശരിയായ സൈന്‍ബോര്‍ഡുകള്‍ ഉള്ളൂ. റിഫയിലെ ഷെയ്ഖ് സല്‍മാന്‍ ബിന്‍ അഹമ്മദ് അല്‍ ഫത്തേഹ് കോട്ട, ജബല്‍ അല്‍ ദുഖാന്‍ പ്രദേശത്തെ ട്രീ ഓഫ് ലൈഫ്, അവാലിയിലെ ആദ്യത്തെ എണ്ണപ്പാടം തുടങ്ങിയ ലാന്‍ഡ്മാര്‍ക്കുകളെക്കുറിച്ച് കൂടുതല്‍ അറിയാന്‍ ഗള്‍ഫിലുടനീളമുള്ള ആളുകള്‍ ആഗ്രഹിക്കുന്നുവെന്നും അദ്ദേഹം പറഞ്ഞു.

റിഫ, സഖീര്‍, അവാളി തുടങ്ങിയ പ്രധാന കേന്ദ്രങ്ങളിലേക്കുള്ള റൂട്ടുകളിലായിരിക്കും ബോര്‍ഡുകള്‍ സ്ഥാപിക്കുക.

ALSO READ: യു.എസ് ഭീഷണിക്ക് പിന്നാലെ റഷ്യയെ കൈവിട്ട മുകേഷ് അംബാനി സൗദിയുമായും ഖത്തറുമായും കൈക്കോര്‍ക്കുന്നു; ഒപ്പുവച്ചത് വമ്പന്‍ കരാറിന്

Visitors entering Bahrain from Saudi Arabia via the King Fahad Causeway will soon be greeted with signboards highlighting national landmarks and tourist attractions, under a new initiative unanimously approved yesterday by the Southern Municipal Council.