താമരശ്ശേരി: വള്ളിയോത്ത് ശാഖാ മുസ്‌ലിംലീഗ് കമ്മിറ്റി നിര്‍മിച്ച ബൈത്തുറഹ്മ ഭവനത്തിന്റെയും 40 കുടുംബങ്ങള്‍ക്കുള്ള ശിഹാബ് തങ്ങള്‍ കുടിവെള്ള പദ്ധതിയുടെയും സമര്‍പ്പണം മുസ്‌ലിം ലീഗ് അഖിലേന്ത്യാ ട്രഷററും നിയമസഭാ പ്രതിപക്ഷ ഉപനേതാവുമായ പി.കെ കുഞ്ഞാലിക്കുട്ടി നിര്‍വഹിച്ചു. സ്വാഗതസംഘം ചെയര്‍മാന്‍ ടി.എം ബഷീര്‍ അധ്യക്ഷനായി.
അഡ്വ. ഫൈസല്‍ ബാബു മുഖ്യപ്രഭാഷണം നടത്തി. വി.എം ഉമ്മര്‍ മാസ്റ്റര്‍, പാറക്കല്‍ അബ്ദുല്ല എം.എല്‍.എ, എം.എ റസാഖ് മാസ്റ്റര്‍, അഹമ്മദ്കുട്ടി ഉണ്ണികുളം, നജീബ് കാന്തപുരം, കെ. ഉസ്മാന്‍ മാസ്റ്റര്‍, കെ.കെ ഇസ്മാഈല്‍, കെ.കെ മുനീര്‍, നസീറ ഹബീബ്, സി.കെ ബദറുദ്ദീന്‍ ഹാജി, കെ. അബ്ദുറഹ്മാന്‍, കെ.കെ റഷീദ്, കെ. ജുനൈദ് റഹ്മാന്‍ സംസാരിച്ചു.