തിരുവനന്തപുരം: പി.എം ശ്രീ വിഷയത്തില്‍ സി.പി.ഐ- സി.പി.എം സമയവായത്തിന് പിന്നാലെ സി.പി.ഐ നേതാക്കള്‍ക്കെതിരെ രൂക്ഷവിര്‍ശനവുമായി വിദ്യാഭ്യാസമന്ത്രി വി.ശിവന്‍കുട്ടി. സി.പി.ഐ ആസ്ഥാനത്ത് പാര്‍ട്ടി സംസ്ഥാന സെക്രട്ടറി ബിനോയ് വിശ്വത്തെ കണ്ട് സംസാരിക്കാനെത്തിയപ്പോള്‍ മന്ത്രി ജി.ആര്‍ അനില്‍ തന്നെ അപമാനിക്കുന്ന പ്രസ്താവന മാധ്യമങ്ങളില്‍ നടത്തിയെന്നും അനിലിനെ ഫോണില്‍ വിളിച്ച ശേഷമാണ് ഓഫിസില്‍ പോയതെന്നും ശിവന്‍കുട്ടി പറഞ്ഞു.

ഒരാള്‍ ഓഫീസില്‍ വന്നാല്‍ സംസാരിക്കണമല്ലോ എന്നാണ് പറഞ്ഞത്. അത് മര്യാദ ഇല്ലാത്ത സംസ്‌കാരമാണ്. എവിടെയോ ഉള്ള ഒരുത്തന്‍ ഓഫിസില്‍ വന്നതുപോലെ പുച്ഛത്തോടെയാണ് മന്ത്രി അനില്‍ പെരുമാറിയെന്നും ശിവന്‍കുട്ടി പറഞ്ഞു. പാര്‍ട്ടി ജനറല്‍ സെക്രട്ടറി എം.എ ബേബി നിസ്സഹായനാണെന്ന് സി.പി.ഐ നേതാവ് പ്രകാശ് ബാബു പറഞ്ഞത് ശരിയായില്ലെന്നും ശിവന്‍കുട്ടി പറഞ്ഞു. 

ALSO READ: വിഷക്കൂൺ വിനയായി; കുടുംബം ആശുപത്രിയിൽ,തക്കം നോക്കി വീട്ടിൽ വൻ കവർച്ച

എ.ഐ.എസ്.എഫ്, എ.ഐ.വൈ.എഫ് നേതാക്കളുടെ വാക്കുകള്‍ വേദനിപ്പിച്ചെന്നും തന്റെ കോലം കത്തിച്ചത് ശരിയായില്ലെന്നും മന്ത്രി പറഞ്ഞു. 

ഒരിക്കലും ആര്‍ക്കും വേദന ഉണ്ടാക്കുന്ന കാര്യങ്ങള്‍ ചെയ്യാന്‍ പാടില്ല. വാക്കുകള്‍ ശ്രദ്ധിച്ചുപ്രയോഗിക്കുന്നത് എല്ലാവര്‍ക്കും നല്ലതാണ്. സി.പി.ഐ-സി.പി.എം നേതാക്കളും മുഖ്യമന്ത്രിയും ഉള്‍പ്പെടെയുള്ളവര്‍ ചര്‍ച്ചചെയ്ത് കൊണ്ടിരിക്കുന്നതിനിടെ ഇത് ആവര്‍ത്തിക്കപ്പെടാന്‍ പാടില്ലായിരുന്നു.  പ്രതിപക്ഷത്തേക്കാള്‍ രൂക്ഷമായ വിമര്‍ശനങ്ങളാണ് തനിക്കെതിരെ നടത്തിയതെന്നും ശിവന്‍കുട്ടി മാധ്യമങ്ങളോട് പറഞ്ഞു.

Kerala Education Minister V. Shivankutty lashed out at CPI leaders after Minister G.R. Anil allegedly made insulting remarks against him amid tensions over the PM SHRI issue. Shivankutty said he was hurt by the slogans and actions of AISF and AIYF activists, calling for restraint and mutual respect. He added that the statements against CPI(M) leaders were harsher than those from the opposition.