കണ്ണൂർ: സംസ്ഥാനത്ത് രണ്ടാംഘട്ട തദ്ദേശ സ്വയംഭരണ തെരഞ്ഞെടുപ്പ് അവസാനിച്ചതിന് പിന്നാലെ കണ്ണൂരിൽ വ്യാപകമായ അക്രമ സംഭവങ്ങളെക്കുറിച്ച് പരാതികളുയരുന്നു. ജില്ലയിലെ വിവിധ ബൂത്തുകളിൽ വെച്ച് യുഡിഎഫ് സ്ഥാനാർഥികൾക്ക് മർദനമേറ്റതായാണ് പ്രധാന ആരോപണം. മിക്കയിടത്തും സിപിഎം പ്രവർത്തകരാണ് കൈയേറ്റം ചെയ്തതെന്നാണ് യുഡിഎഫ് നേതൃത്വം ആരോപിക്കുന്നത്. വോട്ടെടുപ്പ് അവസാനിച്ചതോടെ നിരവധി ആരോപണങ്ങളാണ് ജില്ലയുടെ വിവിധ ഭാഗങ്ങളിൽ നിന്ന് ഉയർന്നുവരുന്നത്.

ALSO READ: തദ്ദേശ തെരഞ്ഞെടുപ്പ്: ഒന്നിലേറെ തവണ വോട്ട് ചെയ്യാൻ ശ്രമിച്ച യുവാവിനെ പൊലിസ് കസ്റ്റഡിയിലെടുത്തു

മർദനമേറ്റ പ്രധാന സ്ഥാനാർഥികളും ആരോപണങ്ങളും

ചെറുകുന്ന് മുണ്ടപ്പുറം: മുണ്ടപ്പുറം വാർഡിലെ യുഡിഎഫ് സ്ഥാനാർഥി മുജീബ് റഹ്മാന് ചെറുകുന്ന് മുണ്ടപ്പുറം പോളിങ് സ്റ്റേഷനിൽ വെച്ചാണ് മർദനമേറ്റത്. കള്ളവോട്ട് തടയാൻ ശ്രമിച്ചതിനെ തുടർന്നാണ് സിപിഎം പ്രവർത്തകർ കൈയേറ്റം ചെയ്തതെന്നാണ് യുഡിഎഫ് ആരോപണം.

ശ്രീകണ്ഠാപുരം: പതിനഞ്ചാം വാർഡിലെ വനിതാ സ്ഥാനാർഥി ഷീജ ജഗനാഥന് ബൂത്തിൽ വെച്ച് മർദനമേറ്റതായി പരാതിയുണ്ട്. എതിർ സ്ഥാനാർഥിയുടെ ഭർത്താവാണ് ആക്രമണത്തിന് പിന്നിലെന്നാണ് ഷീജ ആരോപിക്കുന്നത്.

കതിരൂർ: പാനൂർ ബ്ലോക്ക് യുഡിഎഫ് പുല്ല്യോട് ഡിവിഷൻ സ്ഥാനാർഥി കെ ലതികയെ ബൂത്തിനകത്ത് വെച്ച് കൈയേറ്റം ചെയ്തതായും പരാതി ഉയർന്നിട്ടുണ്ട്. മർദനമേറ്റ ലതികയെ തലശ്ശേരി ഇന്ദിരാഗാന്ധി ആശുപത്രിയിൽ പ്രവേശിപ്പിച്ചു.

മാലൂർ പഞ്ചായത്ത്: മാലൂർ പഞ്ചായത്ത് പതിനൊന്നാം വാർഡ് യുഡിഎഫ് സ്ഥാനാർഥി അമല, യൂത്ത് കോൺഗ്രസ് ജില്ലാ സെക്രട്ടറി രാഹുൽ മേക്കിലേരി എന്നിവർക്കും മർദനമേറ്റതായി പരാതിയുണ്ട്.

പേരാവൂർ: പേരാവൂർ ജില്ലാ പഞ്ചായത്ത് യുഡിഎഫ് സ്ഥാനാർഥി സജിത മോഹനനെ ബൂത്തിനകത്ത് വെച്ച് മർദിച്ചതായും യുഡിഎഫ് ആരോപിക്കുന്നു.

ALSO READ: പണത്തിനും സ്വർണത്തിനും വേണ്ടി അഭിഭാഷകനായ മകൻ അച്ഛനെ വെട്ടിക്കൊന്നു; അമ്മ ഗുരുതരമായി പരുക്കേറ്റ് ചികിത്സയിൽ

വടക്കൻ കേരളത്തിലെ തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് എന്നീ ഏഴ് ജില്ലകളിലായി 75 ശതമാനത്തിനടുത്ത് പോളിങ് രേഖപ്പെടുത്തിയ ഈ ഘട്ടത്തിൽ, വോട്ടെടുപ്പ് പൂർത്തിയാകാനിരിക്കെയാണ് തെരഞ്ഞെടുപ്പ് അക്രമങ്ങളെക്കുറിച്ചുള്ള പരാതികൾ വ്യാപകമായി ഉയരുന്നത്. സംഭവങ്ങളിൽ യുഡിഎഫ് നേതൃത്വം ശക്തമായ പ്രതിഷേധം രേഖപ്പെടുത്തി.

The news reports widespread political violence in Kannur following the second phase of the local body elections, with UDF (United Democratic Front) candidates alleging they were assaulted at various polling booths. The UDF leadership has lodged formal complaints, primarily accusing CPM (Communist Party of India (Marxist)) workers of being the perpetrators. Several candidates, including the woman candidate K Lathika, sustained injuries and had to be hospitalized. A common allegation is that the assaults occurred when UDF members tried to prevent alleged fake voting.