പട്ടാമ്പി: പുതിയതായി രൂപവല്‍ക്കരിക്കപ്പെട്ട നഗരസഭകളില്‍ മേഖലാടിസ്ഥാനത്തില്‍ വെറ്റിങ് ഓഫിസര്‍ ആരാണെന്നുള്ള വ്യക്തമായ മാര്‍ഗ്ഗനിര്‍ദേശം ലഭ്യമല്ലാത്തതിനാല്‍ 2016-17 വര്‍ഷത്തെ പദ്ധതിയുമായി ബന്ധപ്പെട്ട പ്രൊജക്ടുകള്‍ ഡി.പി.സി യുടെ അംഗീകാരത്തിനു സമയബന്ധിതമായി സമര്‍പ്പിക്കാന്‍ കഴിയാതെ നഗരസഭാ അധികാരികള്‍ നട്ടം തിരിയുകയാണന്ന് മുന്‍സിപ്പല്‍ ചെയര്‍മാന്‍ കെ.പി വാപ്പുട്ടി പത്രകുറിപ്പില്‍ വ്യക്തമാക്കി. നഗരസഭകളിലേക്ക് നിയോഗിക്കപ്പെട്ട വെറ്റിങ് ഓഫിസര്‍മാരുടെ വ്യക്തമായ വിവരം നല്‍കണമെന്ന് ബന്ധപ്പെട്ട അധികാരികളോട് ചെയര്‍മാന്‍ അഭ്യര്‍ഥിച്ചു.
ഇന്ന് നടക്കുന്ന ജില്ലാ ആസൂത്രണസമിതി യോഗത്തില്‍ സമര്‍പ്പിക്കുന്നതിലേക്ക് എല്ലാ പദ്ധതികളും തയ്യാറായിട്ടും ബന്ധപ്പെട്ട വെറ്റിങ് ഓഫിസര്‍മാരെ സുലേഖ സോഫ്റ്റ് വെയറില്‍ ലഭ്യമാകാത്തതിനാല്‍ പ്രൊജക്ട് സമര്‍പ്പിക്കാന്‍ കഴിയാത്ത സാഹചര്യമാണ് നിലവിലുള്ളതെന്ന് മുന്‍സിപ്പല്‍ ചെയര്‍മാന്‍ കെ.പി വാപ്പുട്ടി അറിയിച്ചു.