പാലക്കാട്: ജില്ലാ സാക്ഷരതാമിഷന്റെ ആഭിമുഖ്യത്തില്‍ നടത്തിയ ലോക സാക്ഷരതാദിനാചരണ പരിപാടികളുടെ ഭാഗമായുള്ള പരിസ്ഥിതി ക്ലാസുകളുടെ പാലക്കാട് താലൂക്ക് തല ഉദ്ഘാടനം ജില്ലാ പഞ്ചായത്ത് ഹാളില്‍ നടന്നു. ജില്ലാ പഞ്ചായത്ത് ആരോഗ്യ-വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സന്‍ കെ ബിനുമോള്‍ ഉദ്ഘാടനം ചെയ്തു. മുണ്ടൂര്‍ ഗ്രാമപഞ്ചായത്ത് ആരോഗ്യ-വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സന്‍ ടി.എം സുചിത അധ്യക്ഷയായി. തുല്യതാ കോഴ്‌സ് കവീനര്‍ ഡോ. പി.സി ഏലിയാമ സാക്ഷരതാദിന സന്ദേശം നല്കി.
പാലക്കാട് ബ്ലോക്ക് പ്രേരക് കെ.കെ ഭാഗ്യലക്ഷ്മി, നഗരസഭ പ്രേരക് കണ്ണാംബാള്‍, മോഡല്‍ കേന്ദ്രം പ്രേരക് കെ.വി സുശീല, മലമ്പുഴ ബ്ലോക്ക് പ്രേരക് ടി.ഡി സുമതി, ജില്ലാ സാക്ഷരതാമിഷന്‍ ഓഫിസ് അസിസ്റ്റന്റ് എം സിന്ധു സംസാരിച്ചു. തുടര്‍ന്ന് ഡോ. കെ വാസുദേവന്‍പിള്ള പരിസ്ഥിതി സാക്ഷരതാ ക്ലാസ് നയിച്ചു.
ലോക സാക്ഷരതാദിനത്തിന്റെ ഭാഗമായി ചിറ്റൂര്‍ താലൂക്ക്തല പരിപാടികള്‍ കൊല്ലങ്കോട് ബ്ലോക്ക് പഞ്ചായത്ത് ഹാളില്‍ എം.എല്‍.എ കെ. ബാബു ഉദ്ഘാടനം ചെയ്തു. ബ്ലോക്ക് പഞ്ചായത്ത് വൈസ് പ്രസിഡണ്ട് എം.എ ഗണേഷ് അധ്യക്ഷനായി. പരിസ്ഥിതി സാക്ഷരത എന്ന വിഷയത്തില്‍ ശരവണകുമാര്‍ ക്ലാസ് നയിച്ചു. എ ലുഖ്മാന്‍ സാക്ഷരതാ ഗാനം ആലപിച്ചു. കൊല്ലങ്കോട് പഞ്ചായത്ത് പ്രസിഡന്റ് ശാരദ, പെരുവെമ്പ് ഗ്രാമപഞ്ചായത്ത് പ്രസിഡന്റ് ശശികല, കൊല്ലങ്കോട് ഗ്രാമപഞ്ചായത്ത് ആരോഗ്യവിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ രാജേശ്വരി, വടവന്നൂര്‍ ഗ്രാമപഞ്ചായത്ത് പ്രസിഡന്റ് സൈരന്ദ്രി, ബ്ലോക്ക് പഞ്ചായത്ത് മെമ്പര്‍ ശിവരാമന്‍, പേരൂര്‍.പി.രാജഗോപാലന്‍, ബി.ഡി.ഒ ശശികുമാര്‍ സംസാരിച്ചു. കൊല്ലങ്കോട് ബ്ലോക്ക് പഞ്ചായത്ത് പ്രസിഡന്റ് ശാരദ തുളസീദാസ്, നെന്മാറ ബ്ലോക്ക് പഞ്ചായത്ത് പ്രസിഡന്റ് പി.വി രാമകൃഷ്ണന്‍ സാക്ഷരതാ സന്ദേശം നല്കി.
സാക്ഷരതാ പ്രവര്‍ത്തകനായ കൃഷ്ണന്‍ മുതലമട, പരിസ്ഥിതി പ്രവര്‍ത്തകനായ നീളിപ്പാറ മാരിയപ്പന്‍ എന്നിവരെ ആദരിച്ചു. കൊല്ലങ്കോട് ടൗണില്‍ നടന്ന വിളംബര ജാഥയ്ക്ക് പി.വി. പാര്‍വ്വതി, പേരൂര്‍.പി.രാജഗോപാലന്‍ നേതൃത്വം നല്കി.
ഒറ്റപ്പാലം താലൂക്ക് തല ഉദ്ഘാടനം പാലക്കാട് ജില്ലാ പഞ്ചായത്ത് പ്രസിഡന്റ് അഡ്വ.കെ.ശാന്തകുമാരി നിര്‍വ്വഹിച്ചു.