മംഗലപുരം: കണിയാപുരം കരിച്ചാറയില്‍ വീടിനു സമീപത്തെ ഷെഡില്‍ കിടന്നുറങ്ങുകയായിരുന്ന യുവാവിനെ വെട്ടിപ്പരുക്കേല്‍പ്പിച്ച കേസില്‍ അയല്‍വായി പിടിയില്‍.
ബുധനാഴ്ച അര്‍ധരാത്രിയിലായിരുന്നു സംഭവം. കരിച്ചാറ ചെറുകായല്‍ക്കര വീട്ടില്‍ പ്രമോജ്(34) നാണ് വെട്ടേറ്റത്. മുഖത്തിനും ചെവിക്കും പരുക്കേറ്റ ഇയ്യാളെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. അയല്‍വാസി എസ്.ആര്‍ ഭവനില്‍ രാജുവി(50)നെയാണ് മംഗലപുരം പൊലിസ് അറസ്റ്റു ചെയ്തത്. ഇവര്‍ തമ്മിലുള്ള വാക്കുതര്‍ക്കമാണ് സംഭവത്തിലേക്കു നയിച്ചതെന്നു പൊലിസ് പറഞ്ഞു.
മംഗലപുരം എസ്.ഐ. ബിനീഷ് ലാലിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.