തിരുവനന്തപുരം: കേരള സർവകലാശാലയിലെ ഡിനിനെതിരെ ഗുരുതരമായ ജാതിവിവേചന പരാതിയുമായി പി.എച്ച്ഡി വിദ്യാർഥി. വിപിൻ വിജയൻ എന്ന വിദ്യാർഥിയാണ് സംസ്‌കൃത വിഭാഗം ഡീൻ ഡോ. സി. എൻ. വിജയകുമാരിക്കെതിരെ ഗുരുതരമായ പരാതിയുമായി രംഗത്തെത്തിയത്. തനിക്കെതിരെ ഡീൻ ജാതി പരാമർശങ്ങൾ നടത്തിയെന്ന് വിപിൻ വിജയൻ പരാതിയിൽ പറയുന്നു.  

'ഒരു പുലയനും പറയനും എത്ര തന്നെ ശ്രമിച്ചാലും അവർക്ക് ഒരിക്കലും ബ്രാഹ്‌മണർക്ക് കഴിയുന്നത് പോലെ സംസ്‌കൃതം വഴങ്ങില്ല' ഡീൻ തന്നെ ഇങ്ങനെ അപഹസിച്ചെന്ന് വിപിൻ ചൂണ്ടിക്കാട്ടുന്നു. 

'സംസ്‌കൃതം അറിയാത്തവൻ എന്ന ലേബൽ ഒരു മായാത്ത മുദ്ര പോലെ എന്റെ മേൽ പതിഞ്ഞിരിക്കുന്നു. അത് ഒരിക്കലും ഉണങ്ങാത്ത മുറിവുകളുണ്ടാക്കി,' സർവകലാശാലയിലെ സംസ്‌കൃത വകുപ്പിൽ നിന്ന് സംസ്‌കൃതത്തിൽ എം.ഫിൽ നേടിയ വിപിൻ ഒരു പോസ്റ്റിൽ പറഞ്ഞു. ഡിനിന് ആർ.എസ്.എസ് ബന്ധമുണ്ടെന്നും വിപിൻ ആരോപിക്കുന്നു. 

ALSO READ: 20 പന്നികള്‍ കൂട്ടത്തോടെ ചത്തു; കോഴിക്കോട് ആഫ്രിക്കന്‍ പന്നിപ്പനി സ്ഥിരീകരിച്ചു

ഡോ. വിജയകുമാരിയുടെ നേതൃത്വത്തിൽ നിയമാനുസൃതമായി എം.ഫിൽ നേടിയിട്ടും, സർവകലാശാല അംഗീകൃത ബോർഡ് പരിശോധിച്ചിട്ടും, അവസാന ഘട്ടത്തിൽ അതേ പ്രൊഫസർ തന്നെ തന്റെ പിഎച്ച്ഡി തടസ്സപ്പെടുത്തിയെന്ന് അദ്ദേഹം ചൂണ്ടിക്കാട്ടി. 

''എനിക്ക് സംസ്‌കൃതം അറിയില്ലെങ്കിൽ, എന്തിന്റെ അടിസ്ഥാനത്തിലാണ് അവർ എന്നെ നയിച്ചതും എന്റെ എം.ഫിൽ ബിരുദം അംഗീകരിച്ചതും? ഞാൻ ഒരു തട്ടിപ്പുകാരനാണെങ്കിൽ, അതിൽ അവരും കൂട്ടാളിയല്ലേ. അതോ എന്റെ എം.ഫില്ലിനുശേഷം ഞാൻ എങ്ങനെയോ സംസ്‌കൃതം മറന്നോ?'' ജാതി മുൻവിധിയിൽ വേരൂന്നിയ പ്രശ്‌നമാണിതെന്ന് ചൂണ്ടിക്കാട്ടി വിപിൻ ചോദിച്ചു.

ജാതീയ പരാമർശങ്ങൾ നടത്തിയെന്നും എസ്.എഫ്.ഐ മുൻ അംഗം എന്ന നിലയിലുള്ള തന്റെ രാഷ്ട്രീയ പശ്ചാത്തലത്തിന്റെ പേരിൽ തന്നെ ലക്ഷ്യം വയ്ക്കാൻ അവർ തന്റെ സ്ഥാനം ഉപയോഗിച്ചെന്നും അദ്ദേഹം ആരോപിച്ചു.

ശ്രീ ശങ്കരാചാര്യ സർവകലാശാലയിൽ നിന്നും കേരള സർവകലാശാലയിൽ നിന്നും സംസ്‌കൃതത്തിൽ ബിരുദമുണ്ടെന്ന് അദ്ദേഹം വ്യക്തമാക്കി. അതേസമയം  ഗവേഷണ പണ്ഡിത യൂണിയന്റെ (പി.എച്ച്ഡി) 'മുൻ ജനറൽ സെക്രട്ടറി' ആയി തന്നെ ചിത്രീകരിക്കുന്ന മാധ്യമ റിപ്പോർട്ടുകൾ അദ്ദേഹം നിഷേധിച്ചു. പി.എച്ച്ഡി യൂണിയൻ തിരഞ്ഞെടുപ്പിൽ താൻ ഒരിക്കലും നാമനിർദ്ദേശം സമർപ്പിച്ചിട്ടില്ലെന്നും അദ്ദേഹം കൂട്ടിച്ചേർത്തു. 

പാർട്ട് ടൈം ജോലികളിലൂടെയാണ് വിപിൻ പഠനച്ചെലവുകൾ നടത്തിയിരുന്നത്.  ബിരുദം നൽകുന്നതിലെ കാലതാമസം തന്റെ ജീവിതം തകർത്തെന്ന് അദ്ദേഹം പറഞ്ഞു. 

''പിഎച്ച്ഡി എന്റെ സ്വപ്നമായിരുന്നു. 'സംസ്‌കൃതം അറിയാത്തവൻ' എന്ന ലേബൽ എന്നെ എന്നെന്നേക്കുമായി വേട്ടയാടും. എന്റെ വർഷങ്ങളുടെ പോരാട്ടം ചവിട്ടിമെതിക്കപ്പെടുമ്പോൾ, അച്ചടക്കത്തിന്റെ സംരക്ഷകനായി ഡീനെ പ്രശംസിക്കും. എന്റെ ജീവിതം ഇരുട്ടിലേക്ക് കൂപ്പുകുത്തി,'' അദ്ദേഹം പറഞ്ഞു.

''ഡീനിൽ നിന്നുള്ള ഒരു കത്ത് കൊണ്ട്, എന്റെ ജീവിതം മുഴുവൻ തകർന്നു,'' അദ്ദേഹം പറഞ്ഞു, ''കഠിനാധ്വാനത്തിലൂടെ ഞാൻ നേടിയ എല്ലാ ബിരുദങ്ങളും ഇപ്പോൾ വിലയില്ലാത്തതായി തോന്നുന്നു.' അദ്ദേഹം കൂട്ടിച്ചേർത്തു. 

a phd student at kerala university has filed a caste discrimination complaint against the dean, alleging that their phd process was unfairly withheld. the incident has sparked discussions about discrimination and academic justice within higher education institutions in kerala.