തിരുവനന്തപുരം: കേരളത്തിലെ വോട്ടർപട്ടികയുടെ പ്രത്യേക തീവ്ര പരിഷ്കരണം (എസ്ഐആർ) നടപ്പിലാക്കുന്നതിന്റെ ഭാഗമായി എന്യൂമറേഷൻ ഫോം വിതരണം പുരോഗമിക്കുന്നു. ബൂത്ത് ലെവൽ ഓഫിസർമാർ (ബിഎൽഒ) വീടുകളിലെത്തി ഫോം നൽകുന്നതിനിടെ, വിദേശത്തുള്ള പ്രവാസികൾക്കും വിദ്യാർത്ഥികൾക്കും സ്ഥലത്ത് ഇല്ലാത്തവർക്കും ഓൺലൈനായി ഫോം സമർപ്പിക്കാനുള്ള സൗകര്യം തിരഞ്ഞെടുപ്പ് കമ്മിഷൻ ഏർപ്പെടുത്തിയിട്ടുണ്ട്.  തദ്ദേശ തിരഞ്ഞെടുപ്പിന് മുൻപ് വോട്ടർപട്ടിക സമഗ്രമാക്കുന്നതിനാണ് ഈ പരിഷ്കരണം.

ALSO READ: വോട്ടർ പട്ടിക പുതുക്കൽ: രാത്രിയിലും വീടുകൾ കയറി ബി.എൽ.ഒമാർ 

എന്താണ് എസ്ഐആർ? 

സ്പെഷ്യൽ ഇന്റൻസീവ് റിവിഷൻ (SIR) എന്ന പേരിൽ അറിയപ്പെടുന്ന ഈ പ്രക്രിയയിലൂടെ നിലവിലുള്ള വോട്ടർമാരുടെ വിവരങ്ങൾ പരിഷ്കരിക്കുകയും പുതിയവരെ ചേർക്കുകയും ചെയ്യും. ഫോം 6 (പുതിയ രജിസ്ട്രേഷൻ), ഫോം 7 (പേര് ഒഴിവാക്കൽ), ഫോം 8 (തിരുത്തൽ/മാറ്റം). ഇതുവരെ 23 ശതമാനത്തിലധികം വോട്ടർമാർക്ക് ഫോം ലഭിച്ചു.

പ്രവാസികൾക്കും വീട്ടിലില്ലാത്തവർക്കും ഓൺലൈൻ വഴി എന്യുമറേഷൻ ഫോം സമർപ്പിക്കാം. രജിസ്റ്റേർഡ് വോട്ടർമാർക്ക് ഇമെയിൽ ഐഡി ഉപയോഗിച്ച് ലോഗിൻ ചെയ്ത് ഫോം പൂരിപ്പിക്കാം. ഘട്ടം ഘട്ടമായുള്ള നിർദേശങ്ങൾ:

വെബ്സൈറ്റിൽ പ്രവേശിക്കുക: കേന്ദ്ര തിരഞ്ഞെടുപ്പ് കമ്മീഷന്റെ ഔദ്യോഗിക വെബ്സൈറ്റായ voters.eci.gov.in എന്ന സൈറ്റിലേക്ക് പോകുക.

SIR 2026 തിരഞ്ഞെടുക്കുക: ഹോം പേജിൽ കാണുന്ന 'Special Intensive Revision 2026' എന്ന ഓപ്ഷൻ തിരഞ്ഞെടുക്കുക.

ലോഗിൻ ചെയ്യുക: വോട്ടർ ഐഡിയും അതിലേക്ക് ലഭിക്കുന്ന ഒടിപിയും (OTP) ഉപയോഗിച്ച് ലോഗിൻ ചെയ്യുക.

വിഭാഗം തിരഞ്ഞെടുക്കുക: നിങ്ങൾ ഒരു എൻആർഐ വോട്ടറാണെങ്കിൽ ഇന്ത്യൻ ഓവർസീസ് ഇലക്ടർ (Indian Overseas Elector) എന്നത് തിരഞ്ഞെടുക്കുക.

വിവരങ്ങൾ നൽകുക: നിങ്ങളുടെ സംസ്ഥാനം തിരഞ്ഞെടുത്ത് വോട്ടർ ഐഡി നമ്പർ നൽകുക.

പരിശോധന: ഈ വിവരങ്ങൾ നൽകുന്നതോടെ നിങ്ങളുടെ പേര്, ബൂത്ത് എന്നിവ സ്ക്രീനിൽ കാണാം.

ഫോം: താഴെ മൊബൈൽ നമ്പറും ഒടിപിയും കൊടുക്കുന്നതോടെ പേരും ചിത്രവുമുള്ള എന്യൂമറേഷൻ ഫോം ലഭ്യമാകും. അത് പൂരിപ്പിച്ച് സമർപ്പിക്കാം.

മൊബൈൽ നമ്പർ വോട്ടർ ഐ.ഡിയുമായി ബന്ധിപ്പിച്ചിട്ടില്ലാത്തവർ ഫോം 8 വഴി അതിനുള്ള അപേക്ഷ നൽകണം. ഓരോ ലോഗിൻ വഴിയും അതാത് വോട്ടറുടെ ഫോം മാത്രമേ പൂരിപ്പിക്കാൻ കഴിയുകയുള്ളൂ.

expats and individuals without a permanent address can now submit the sir enumeration form online. the initiative aims to make the registration process easier, faster, and more accessible for everyone.