ഛത്തീസ്ഗഢ്: കള്ളിയെന്ന് വിളിച്ച് കളിയാക്കിയതിനെ തുടര്‍ന്ന് നാലും രണ്ടും വയസ്സുള്ള കസിന്‍സിനെ കിണറ്റിലെറിഞ്ഞ് 13കാരി. 13 കാരിയെ പൊലിസ് കസ്റ്റഡിയിലെടുത്തു. ഛത്തീസ്ഗഡിലെ ഖൈരാഗഡ്-ചുയിഖാദന്‍-ഗന്ധായ് ജില്ലയിലെ ഗ്രാമത്തില്‍ ഞായറാഴ്ച രാത്രിയായിരുന്നു സംഭവം. ഗജാനന്ദ് വര്‍മ്മയുടെ മക്കളായ കരണ്‍ വര്‍മ്മ (4), സഹോദരി വൈശാലി (2) എന്നിവരാണ് കൊല്ലപ്പെട്ടത്.

കരണ്‍ തന്നെ പലതവണ 'കള്ളി' എന്ന് വിളിച്ച് പരിഹസിച്ചെന്ന് 13കാരി പറയുന്നു. വിളിക്കരുതെന്ന് പറഞ്ഞിട്ടും അവര്‍ അനുസരിച്ചില്ല. തുടര്‍ന്ന് ദേഷ്യം വന്നിട്ടാണ് കുട്ടികളെ കിണറ്റില്‍ തള്ളിയിട്ടതെന്നും  പ്രതിയായ പെണ്‍കുട്ടി അന്വേഷണ ഉദ്യോഗസ്ഥരോട് പറഞ്ഞു. കുട്ടികളെ ഗ്രാമത്തിലെ പച്ചക്കറിത്തോട്ടത്തിലെ കിണറ്റിലേക്ക് തള്ളിയിട്ട് കൊലപ്പെടുത്തുകയായിരുന്നുവെന്ന് പൊലീസ് പറയുന്നു.

ALSO READ: 'സ്വന്തം പൗരന്‍മാര്‍ മരിച്ചു വീഴുമ്പോള്‍ രാജ്യത്തെ പ്രധാന സേവകന്‍ വിദേശത്ത് കാമറകള്‍ക്ക് മുന്നില്‍ പോസ് ചെയ്യുന്ന തിരക്കിലാണ്' പ്രധാനമന്ത്രിയുടെ ഭൂട്ടാന്‍ സന്ദര്‍ശനത്തിനെതിരെ രൂക്ഷ വിമര്‍ശനം

ഏറെ സമയം മകനെയും മകളെയും കാണാതായതിനെ തുടര്‍ന്ന് ഗജാനന്ദ് വര്‍മ്മയും ഭാര്യയും അയല്‍വാസികളും ചേര്‍ന്ന് തെരച്ചില്‍ നടത്തി. ഇതിനിടെയാണ് കിണറ്റില്‍ ഒരു കുട്ടിയുടെ മൃതദേഹം പൊങ്ങിക്കിടക്കുന്നത് കണ്ടത്. പുറത്തെടുത്തപ്പോള്‍ വൈശാലിയുടേതാണെന്ന് തിരിച്ചറിഞ്ഞു. കിണര്‍ വറ്റിച്ചാണ് നാലുവയസുകാരന്റെ മൃതദേഹം കണ്ടെടുത്തത്.

 കുട്ടികളുടെ പിതാവിന്റെ പരാതിയില്‍ പൊലിസ് കേസെടുത്ത് അന്വേഷണം നടത്തുകയായിരുന്നു. അന്വേഷണത്തിനിടെയാണ് കുട്ടികളുടെ ബന്ധുകൂടിയായ 13കാരിയെ പൊലിസ് കസ്റ്റഡിയിലെടുക്കുന്നത്. അറസ്റ്റ് രേഖപ്പെടുത്തിയതിന് പിന്നാലെ കുട്ടിയെ ജുവനൈല്‍ ഹോമിലേക്ക് അയച്ചു.

a shocking incident has emerged where a 13-year-old girl allegedly threw her two young cousins, aged four and two, into a well after being teased. both children drowned, and the minor girl has been arrested and sent to a juvenile home. police have begun further investigation.