എടപ്പാള്‍: മലപ്പുറം എടപ്പാളില്‍ ഭിന്നശേഷിക്കാരിയായ മകളെ വീപ്പയിലെ വെള്ളത്തില്‍ മുക്കിക്കൊന്ന ശേഷം മാതാവ് ആത്മഹത്യ ചെയ്തു. മാണൂര്‍ പറക്കുന്ന് പുതുക്കാടി വീട്ടില്‍ അനിതാകുമാരിയാണ് മകള്‍ അഞ്ജനയെ കൊന്ന ശേഷം ജീവനൊടുക്കിയത്.

മകളെ വീപ്പയിലെ വെള്ളത്തില്‍ മുക്കിക്കൊലപ്പെടുത്തിയ അനിത വീടിന് സമീപമുള്ള മരത്തില്‍ തൂങ്ങിമരിക്കുകയായിരുന്നു. പൊലിസ് സ്ഥലത്തെത്തി ഇന്‍ക്വസ്റ്റ് നടപടികള്‍ ആരംഭിച്ചു.

മകന്‍ ജോലിക്ക് പോയ സമയത്താണ് ദാരുണ സംഭവം. അനിതയേയും മകളേയും വീട്ടില്‍ മരിച്ച നിലയില്‍ കണ്ടെത്തുകയായിരുന്നു. അനിതാകുമാരിയുടെ ഭര്‍ത്താവ് ഒരു മാസം മുമ്പാണ് മരിച്ചത്. ഇതേ തുടര്‍ന്ന് അനിതാകുമാരി വിഷാദത്തിലായിരുന്നു. ഇതിന് പുറമേ മകള്‍ക്ക് ചികിത്സ കിട്ടാതിരുന്നതും അനിതയെ അലട്ടിയിരുന്നതായാണ് വിവരം.