ഡൽഹി: ‍അന്തരീക്ഷ മലിനീകരണം അപകടകരമായ നിലയിലേക്ക് ഉയർന്നതിനെത്തുടർന്ന് ഡൽഹിയിൽ ചില വാഹനങ്ങളുടെ ഉപയോഗത്തിന് താൽക്കാലിക നിരോധനം ഏർപ്പെടുത്തി. വായുഗുണനിലവാര സൂചിക (AQI) 400 എന്ന പരിധി കടന്നതാണ് ഡൽഹിയിലും സമീപ പ്രദേശങ്ങളിലും വാഹന നിയന്ത്രണം ഏർപ്പെടുത്താൻ കാരണം. ഡൽഹി, നോയിഡ, ഗുഡ്‌ഗാവ്, ഗാസിയാബാദ്, ഫരീദാബാദ് തുടങ്ങിയവയാണ് നിയന്ത്രണം ബാധകമായ സ്ഥലങ്ങൾ.

ഗ്രേഡഡ് റെസ്‌പോൺസ് ആക്ഷൻ പ്ലാനിന്റെ (GRAP) മൂന്നാം ഘട്ടം നടപ്പിലാക്കുന്നതിന്റെ ഭാഗമായാണ് ഈ നടപടി.

ALSO READ: ഏത് നിമിഷവും ആക്രമിക്കപ്പെടാം; തെളിവിനായി സ്ഥാപിച്ച സിസിടിവി നീക്കണമെന്നാവശ്യപ്പെട്ട് അയൽവാസി സമർപ്പിച്ച ഹരജി ഹൈക്കോടതി തള്ളി

നിരോധനം ഏർപ്പെടുത്തിയ വാഹനങ്ങൾ:

ബിഎസ് 3 (BS-III) എൻജിനുകളുള്ള പെട്രോൾ വാഹനങ്ങൾ.

ബിഎസ് 4 (BS-IV) എൻജിനുകളുള്ള ഡീസൽ വാഹനങ്ങൾ.

മറ്റ് നിയന്ത്രണങ്ങൾ: അടിയന്തര ആവശ്യമില്ലാത്ത ഡീസൽ ചരക്ക് വാഹനങ്ങൾ, സിഎൻജിയിൽ (CNG) പ്രവർത്തിക്കുന്നതല്ലാത്ത മറ്റ് സംസ്ഥാന ബസുകൾ എന്നിവക്കെല്ലാം ഈ നിയന്ത്രണം ബാധകമാണ്. അതേസമയം, ഭിന്നശേഷിക്കാർ ഉപയോഗിക്കുന്ന വാഹനങ്ങൾക്ക് ഈ നിയമങ്ങളിൽ ഇളവുണ്ട്. എയർ ക്വാളിറ്റി മാനേജ്‌മെന്റ് കമ്മിഷനാണ് (Commission for Air Quality Management - CAQM) ഈ നിർദ്ദേശങ്ങൾ പുറപ്പെടുവിച്ചിരിക്കുന്നത്.

വായുവിന്റെ ഗുണനിലവാര സൂചിക (AQI) 400-ൽ താഴെയാവുകയും ഈ സ്ഥിതി തുടരുകയും ചെയ്താൽ മാത്രമേ നിലവിലെ നിയന്ത്രണങ്ങൾ പിൻവലിക്കുകയുള്ളൂ എന്നും കമ്മിഷൻ അറിയിച്ചു. അതേസമയം, വിലക്ക് ലംഘിച്ച് വാഹനം ഓടിച്ചാൽ 20,000 രൂപ വരെ പിഴ ഈടാക്കുമെന്ന് അധികൃതർ അറിയിച്ചു.

A temporary ban on certain vehicles has been imposed in Delhi due to severe air pollution, with the Air Quality Index (AQI) exceeding 400. The restrictions apply to vehicles in Delhi and surrounding areas.