കൊച്ചി: തേവര കോന്തുരുത്തിയില്‍ ഒരു സ്ത്രീയുടെ മൃതദേഹം ചാക്കില്‍ കെട്ടിയ നിലയില്‍ കണ്ടെത്തി. ജോര്‍ജ് എന്നയാളുടെ വീടിന് സമീപമുള്ള ഇടനാഴിയിലാണ് ചാക്കില്‍ കെട്ടിയ നിലയില്‍ മൃതദേഹം കണ്ടെത്തിയിരിക്കുന്നത്. ഇയാളെ പൊലിസ് കസ്റ്റഡിയിലെടുത്തു. ആരുടെ മൃതദേഹമാണെന്ന് ഇതുവരെ തിരിച്ചറിയാന്‍ കഴിഞ്ഞിട്ടില്ല. രാവിലെ ശുചീകരണത്തിനായി എത്തിയ തൊഴിലാളികളാണ് ചാക്കില്‍ പൊതിഞ്ഞ നിലയില്‍ മൃതദേഹം ഇവിടെ കണ്ടെത്തിയത്.

തുടര്‍ന്ന് ഇവര്‍ കൗണ്‍സിലറെ വിവരം അറിയിക്കുകയായിരുന്നു. കൊലപാതകമാണെന്നാണ് പൊലിസിന്റെ നിഗമനം. കസ്റ്റഡിയിലെടുക്കുമ്പോള്‍ ജോര്‍ജ് മദ്യലഹരിയിലായിരുന്നുവെന്നും പൊലീസ് പറഞ്ഞു. രാവിലെ ഇയാള്‍ ചാക്ക് അന്വേഷിച്ച് നടന്നിരുന്നതായി നാട്ടുകാര്‍ പറയുന്നു.

കാര്യം തിരക്കിയപ്പോള്‍ വീട്ടുവളപ്പില്‍ ഒരു പൂച്ച ചത്ത് കിടക്കുന്നുണ്ടെന്നും അതിനെ മാറ്റാന്‍ ആണെന്നും പറഞ്ഞിരുന്നതായാണ് നാട്ടുകാര്‍ പറയുന്നത്. എന്നാല്‍ മരിച്ച യുവതിയുടെ മുഖം പൊലിസ് നാട്ടുകാരെ കാണിച്ചെങ്കിലും ഈ പ്രദേശത്തുകാരിയല്ലെന്നാണ് നാട്ടുകാര്‍ പറയുന്നത്. സംഭവത്തില്‍ ജോര്‍ജിനെ പൊലീസ് വിശദമായി ചോദ്യം ചെയ്തു വരുകയാണ്. 

In Thevara Konthuruthy, the body of an unidentified woman was found stuffed inside a sack near the house of a man named George. Workers who came for morning cleaning discovered the sack and informed the local councillor. Police have taken George into custody; he was reportedly intoxicated at the time. Locals say he was seen searching for a sack earlier in the morning. Police suspect it to be a case of murder, and identification of the victim is still pending.