പാലക്കാട്: സ്വതന്ത്രനായി മത്സരിക്കുന്ന സി.പി.എം മുന്‍ ഏരിയാ സെക്രട്ടറിക്ക് സി.പി.എം നേതാവിന്റെ വധഭീഷണി. അട്ടപ്പാടി അഗളി പഞ്ചായത്തിലെ 18ാം വാര്‍ഡിലെ സ്വതന്ത്ര സ്ഥാനാര്‍ഥി വി.ആര്‍ രാമകൃഷ്ണന് നേരെയാണ് ലോക്കല്‍ സെക്രട്ടറി ജംഷീര്‍ വധഭീഷണി മുഴക്കിയത്. 

സ്ഥാനാര്‍ഥിത്വം പിന്‍വലിച്ചില്ലെങ്കില്‍ കൊല്ലുമെന്നാണ് ഭീഷണിപ്പെടുത്തിയത്. ഇവര്‍ തമ്മിലുള്ള ഫോണ്‍ സംഭാഷണം പുറത്തുവന്നിട്ടുണ്ട്. 

ഇന്നലെ രാത്രിയാണ് ജംഷീര്‍ രാമകൃഷ്ണനെ വിളിച്ച് തെരഞ്ഞെടുപ്പില്‍ മത്സരിക്കുന്നതില്‍ നിന്ന് പിന്‍മാറണമെന്ന് ആവശ്യപ്പെട്ടത്. അത് പറ്റില്ലെന്നും നിങ്ങള്‍ എന്ത് ചെയ്യുമെന്നും രാമകൃഷ്ണന്‍ ചോദിച്ചപ്പോഴാണ് ഭീഷണിപ്പെടുത്തിയത്. 

പത്രിക പിന്‍വലിക്കില്ലെന്നും വലിയ അഴിമതിയാണ് അട്ടപ്പാടിയില്‍ നടക്കുന്നതെന്നും രാമകൃഷ്ണന്‍ പറഞ്ഞു. ആറ് വര്‍ഷമായി സി.പി.എമ്മിന്റെ ഏരിയാ സെക്രട്ടറി ആയിരുന്നയാളാണ് വി.ആര്‍ രാമകൃഷ്ണന്‍.

Independent candidate V.R. Ramakrishnan in Palakkad alleges that CPM leader Jamsheer issued a death threat demanding he withdraw his nomination. Audio of the phone conversation has surfaced, and Ramakrishnan refuses to step back, citing corruption in Attappady.