തിരൂരങ്ങാടി: ബ്ലോക്ക് പഞ്ചായത്തും സാമൂഹികക്ഷേമ വകുപ്പും സംഘടിപ്പിച്ച 'സ്‌നേഹപൂര്‍വം സോദരിക്ക്' പദ്ധതിയില്‍ ആയിരം വിധവകള്‍ക്ക് ഓണം പെരുന്നാള്‍ പുടവയും സംഗമത്തില്‍ പങ്കെടുത്ത വിധവകള്‍ക്കു റംബുട്ടാന്‍ ഫലവൃക്ഷത്തൈയും നല്‍കി. ചെമ്മാട് താജ് ഓഡിറ്റോറിയത്തില്‍ നടന്ന സംഗമം പി.കെ അബ്ദുറബ്ബ് എംഎല്‍എ ഉദ്ഘാടനം ചെയ്തു.
ജില്ലാ പഞ്ചായത്തു പ്രസിഡന്റ് എ.പി ഉണ്ണികൃഷ്ണന്‍ അധ്യക്ഷനായി. ബ്ലോക്ക് പ്രസിഡന്റ് കെ .കലാം, വൈസ് പ്രസിഡന്റ് വി.കെ.സുബൈദ, മൂന്നിയൂര്‍ പഞ്ചായത്ത് പ്രസിഡന്റ് കുട്ടശ്ശേരി ശരീഫ, വൈസ് പ്രസിഡന്റ് എന്‍ .എം അന്‍വര്‍സാദത്ത്, ബക്കര്‍ ചെര്‍ണൂര്‍, നൗഷാദ് സിറ്റിപാര്‍ക്ക്, എം .മൊയ്തീന്‍കോയ എന്നിവര്‍ സംസാരിച്ചു. ടി.പ്രഭാകരന്‍, ടി .വിജയന്‍, എം .എ അസീസ്, സി .രാജേഷ്, ബഷീര്‍ കൂര്‍മത് എന്നിവര്‍ സംസാരിച്ചു .