പെരിന്തല്‍മണ്ണ: കാറില്‍ കടത്തുകയായിരുന്ന ഒന്നരക്കിലോ കഞ്ചാവുമായി യുവാവു പിടിയില്‍. മാരുതി ഓള്‍ട്ടോ കാറില്‍ വില്‍പ്പനക്കു കൊണ്ടണ്ടുവന്ന കഞ്ചാവാണു പിടിച്ചെടുത്തത്.
മേലാറ്റൂര്‍ പാതിരിക്കോട് പുത്തനഴി സ്വദേശി മൂച്ചിക്കല്‍ സമീറലി( 32)യാണു പെരിന്തല്‍മണ്ണ ജൂബിലി റോഡില്‍ വെച്ച് അറസ്റ്റിലായി. ചോദ്യം ചെയ്തതില്‍ നിന്നും ഇയാള്‍ തമിഴ് നാട് നിന്നും വാടകക്കെടുക്കുന്ന കാറിലാണു കിലോക്ക് 15000 രൂപ നിരക്കില്‍ കഞ്ചാവു കടത്തുന്നതെന്നു സമ്മതിച്ചു.
നിലമ്പൂര്‍, പാണ്ടണ്ടിക്കാട്, ഭാഗങ്ങളിലെ ഏജന്റുമാര്‍ക്കു വില്‍ക്കുകയാണു പതിവ്. 22000 രൂപയോളം രൂപക്കാണ് ഇയാള്‍ വില്‍ക്കാറുള്ളത്. അന്യസംസ്ഥാന തൊഴിലാളികള്‍ ജില്ലയിലേക്ക് കഞ്ചാവു കടത്തുന്നതായും പ്രതി പൊലിസിനോട് പറഞ്ഞു.
ഡി.വൈ.എസ്.പി മോഹനചന്ദ്രന്‍, സി.ഐ സാജു.കെ.അബ്രഹാം, എസ്.ഐ ജോബിതോമസ്, ടൗണ്‍ ഷാഡോ പൊലിസ് ഉദ്യോഗസ്ഥരായ പി.മോഹന്‍ദാസ്, സി.പി മുരളി, പി.എന്‍ മോഹനകൃഷ്ണന്‍, എന്‍.ടി കൃഷ്ണകുമാര്‍, മനോജ് എന്നിവര്‍ അന്വേഷണസംഘത്തിലുണ്ടായിരുന്നു.

.